ცნობილი სახელები

ყოველ წელს აღმოჩენილი 18 000 სახეობიდან, სულ რამდენიმეს აქვს ვარსკვლავური თვისებები. 2008 წელს მალაიზიაში აღმოჩენილ ნარინჯისფერბუსუსიან ჭრელ ობობას უწოდეს Heteropoda davidbowie. ავსტრალიური მაწუხელას სახელია Scaptia beyonceae, ეკვადორული ვასაკასი კი – Hyloscirtus princecharlesi.

მე-18 საუკუნეში შემუშავებული ნომენკლატურის სისტემა დღესაც გამოიყენება და ორგანიზმს გვარისა და სახეობის აღმნიშვნელი სახელი ენიჭება. მაგ.: Homo sapiens.

სახეობის აღმომჩენს უფლება აქვს, თავად შეარჩიოს სახელი; ხანდახან ცნობილი ადამიანის სახელებს იყენებენ. ასე შეიძლება საფრთხეში მყოფ სახეობას საზოგადოების ყურადღება მიაპყრო ან პატივი მიაგო ვარსკვლავს. დევიდ ბოუის თაყვანისმცემელმა გერმანელმა არაქნოლოგმა პეტერ იეგერმა ამ მიზეზების გამო დაარქვა თავის ობობას H. davidbowie.