დიზაინერი ქალი

1963 წელს საბჭოთა კოსმონავტი ვალენტინა ტერეშკოვა პირველი ქალი გახდა, რომელმაც დედამიწა დატოვა. მის კვალს ათობით ქალი გაჰყვა. ამის მიუხედავად, საფრენი კოსტიუმები არასოდეს გათვლილა ზუსტად ქალის სხეულზე. NASA-ს ინჟინერმა საბრინა ტომფსონმა შექმნა კოსტიუმი ქალი მფრინავებისთვის, რომელიც, ფუნქციურის გარდა, მოდურიცაა.

„მე ვუსმენ იმ ქალებს, რომლებსაც ამ კოსტიუმის ჩაცმა მოუწევთ“, – ამბობს ტომფსონი. მან კოსტიუმი სხვადასხვა სიტუაციისთვის, მათ შორის საერთაშორისო კოსმოსური სადგურისთვის გათვალა. ტომფსონი მუშაობს ასევე ჰერმეტულ ვერსიაზეც, რომელიც კოსმოსური ხომალდის გაშვების და დაბრუნების დროს გამოიყენება. ის იმედოვნებს, რომ ხელს შეუწყობს ქალების ელეგანტურობას და კომფორტს კოსმოსის გამოკვლევისას და შთააგონებს მათ შექმნან ყველაფერი, რაც მათი წარმატებისთვისაა საჭირო დედამიწაზე ან მისგან შორს.

ტომფსონმა თავის დიზაინში ეს ელემენტები გააერთიანა.

1. პრაქტიკულობა და მოხდენილობა

თითოეული კოსტიუმი სხვადასხვა ზომისა და ფორმის ქალებისთვის ინდივიდუალურად იქმნება. ფორმებზე მჭიდროდ მორგებული სამოსი სხეულის კონტურებს მიჰყვება, თუმცა მოძრაობას არ ზღუდავს.

2. რეგულირებადი ქამარი

კოსტიუმის მატარებელს შეუძლია დაავიწროოს ან გააფართოოს ქამარი. მოხერხებული ბალთა აქვს და შეკრული ქამრის ზედმეტი მონაკვეთიც არ რჩება ჰაერში, რომელიც შეიძლება აღჭურვილობას გამოედოს.

3. მოსახერხებელი შარვალი

კოსტიუმის უკანა ნაწილი ელვით იხსნება და ნაკეცები წინ მაგრდება, რაც ქალებს საშუალებას აძლევს საპირფარეშო მთლიანი კოსტიუმის გახდის გარეშე მოიხმარონ.

4. ცოტაოდენი ორიგინალურობა

საკერებლები მკერდთან და მხრებზე „ქალების საფრენ კოსტიუმს ელეგანტურობას და სტილს მატებს“, – ამბობს ტომფსონი.