დროშის დღე

1913 წლის ზაფხულში, ნიუ-იორკის ტაიმს-სკვერში გამოფენილი „უდიდესი ეროვნული დროშის“ საცქერლად უამრავი ადამიანი შეიკრიბა. ჟურნალს ეს ფოტო 1918 წლის ივნისამდე არ ჰქონდა. ამიტომაც იგი ვერ მოხვდა 1917 წლის ოქტომბრის ნომერში, რომელიც ამერიკის პირველ მსოფლიო ომში ჩაბმასთან დაკავშირებით, მთლიანად დროშების თემას მიეძღვნა. „აქამდე არასდროს ყოფილა ასეთი უჩვეულო მოთხოვნა დროშებზე. თანაც, არა მხოლოდ ვარსკვლავებიან ალამზე. მოთხოვნა გაიზარდა იმ ევროპული ქვეყნების დროშებზეც, რომლებიც აშშ-ის სამხედრო ძალებთან ერთად ავტოკრატიის დასამარცხებლად გაერთიანდნენ“, – იუწყებოდა ერთ-ერთი ფოტოს მინაწერი.