ძილის ნაკლებობა

მადლობას გიხდით ძილთან დაკავშირებით თქვენი გამოცდილების გაზიარებისთვის. თომას ედისონმა ძილს აბსურდულობა და ცუდი ჩვევა უწოდა. ასეა ჩვენს კულტურაში?
ვფიქრობ, ეს მოსაზრება ღრმადაა გამჯდარი, მაგრამ ტრანსფორმაციის მომენტში ვართ. ადამიანები ფიქრობენ, რომ ძილი დროის კარგვაა. ამის დასამტკიცებლად უამრავი ფრაზა გვაქვს: „ჩაიძინებ და წააგებ“, „გამოვიძინებ, როდესაც მოვკვდები“, მაგრამ ახლა მისაბაძი მაგალითებიც გვყავს – ადამიანები, რომლებიც ძილს სერიოზულად ეკიდებიან და სუპერეფექტურები არიან.

„როდესაც 8 საათი მძინავს, ვგრძნობ სხვაობას. ვიცი, რომ მეტად ნაყოფიერი, ჩემი თავის საუკეთესო ვერსია ვარ“.

თქვენ მიზანდასახულ ადამიანად ხართ ცნობილი. გქონიათ მომენტი, როდესაც თქვენი ქცევის შეცვლა გადაწყვიტეთ?
დიახ, 2007 წელს, როდესაც ძილის ნაკლებობისა და გადაღლილობისგან გული წამივიდა. მარტოხელა დედამ დავიჯერე, რომ ეს იყო წარმატების საფასური და ჩემი ცხოვრების ყველა ასპექტის გაკონტროლებისა და წარმატებისთვის ასე უნდა მოვქცეულიყავი. გულის წასვლის შემდეგ დავიწყე გადაღლის ეპიდემიის შესწავლა. ბევრი რამ იყო დაწერილი კვებისა და ვარჯიშის მნიშვნელობაზე, ძილი კი იგნორირებული იყო. ასე რომ, დავწერე წიგნი.

ჩვენს კულტურაში საკმარისი ძილი როდესმე პრიორიტეტი იქნება?
ძილის მნიშვნელობას თანდათან მეტ ყურადღებას აქცევენ. რა თქმა უნდა, ისევ არიან ადამიანები, რომლებიც იმით ტრაბახობენ, რა ცოტა სძინავთ, მაგრამ ასეთები ნელ-ნელა ქრებიან.