ფაფრიანი დამკვირვებელი

თუ ოვერლენდ-პარკის (კოლორადო) მოძრავ ბანაკში 20-იან წლებში გადაღებულ ამ ფოტოს დააკვირდებით, დაინახავთ ცხენს, რომელიც ბილიარდის მოთამაშეებს მოულოდნელ მაყურებლად ეწვია. დენვერის მახლობლად მდებარე ბანაკი (65 ჰა) დასავლეთისკენ მანქანებით მიმავალი მზარდი რაოდენობის დამსვენებლებისთვის შექმნეს. „26-ოთახიანი საზოგადოებრივი კლუბი, საშხაპეებით, დასასვენებელი და სამკითხველო ოთახებით, სადალაქოთი და სარწეველებით გაწყობილი ფართო ვერანდებით საღამოს ბინდში დასასვენებლად; დაძინების წინ მთვარე რომანტიკული სინათლით ავსებს თვალისმომჭრელ თაღებს“, – წერდა ჟურნალი „ამერიკელი ავტომოყვარული“ 1922 წლის ოქტომბერში.