ფიტულების ოსტატი

ფიტულების ოსტატის – უილიამ ლ. ბრაუნის ერთ-ერთი პირველი დავალება იმ სახეობათა დაცვა იყო, რომლებიც თედი რუზველტმა 1909 წლის აფრიკის ექსპედიციიდან სმითსონების ინსტიტუტისთვის ჩამოიტანა. ვაშინგტონის ბუნების ისტორიის ეროვნულ მუზეუმში 51- წლიანი საქმიანობის განმავლობაში ბრაუნი თითქმის ყველა სახის ცხოველის ფიტულზე მუშაობდა, მათ შორის, 1947 წელს ამ რუხ მგელზეც. ბრაუნის რამდენიმე ნამუშევარი დღემდე გამოფენილია მუზეუმში. აი, რას წერდა ის თავისი ფავორიტი ქმნილების (რუსი მთრიმლავის მიერ ღეჭვით დარბილებული ტყავისგან დამზადებული ბეჰემოტი) შესახებ: „ ეს იყო იმ დროს, როდესაც ფიტულების საუკეთესო ოსტატი ვიყავი. 40 წლის ასაკში. მე ვიყავი პირველი, ვისაც კი ოდესმე ჰიპოპოტამის ოსტატური ფიტული გაუკეთებია, პირველი და ალბათ – უკანასკნელიც.“ მუზეუმის ახლანდელმა ფიტულების ოსტატმა პოლ რაიმერმა აღნიშნა, რომ ეს საუკეთესოდ შენახული ცხოველი იყო, რაც კი ოდესმე უნახავს.