გაკვეთილები და თავქარიანობა
ყურანის დამზეპირებელი გოგონების გამოცდილების აღბეჭდვით
ფოტოგრაფი თავის ბავშვობას უბრუნდება.
გაკვეთილები და თავქარიანობა
ყურანის დამზეპირებელი გოგონების გამოცდილების აღბეჭდვით ფოტოგრაფი თავის ბავშვობას უბრუნდება.
-
-
-
-
ბმული კოპირებულია
თავისი წარსულით შთაგონებული ფოტოგრაფი გოგონებისთვის ყურანით განსაზღვრულ ყოველდღიურობას გადმოსცემს.
12 წლის ასაკში მე და ჩემი ტყუპისცალი და სპეციალურ საგანმანათლებლო გზას დავადექით. გოგონათა ყურანის სკოლის მოსწავლეები სამი წლის განმავლობაში ვიყავით სტამბოლში. ეს გამოცდილება მთელი ცხოვრება თან გამყვა და მოგვიანებით მასთან დაბრუნება კამერით ხელში მომინდა.
ამ პროექტისთვის მოვინახულე თურქეთის სკოლები, სადაც გოგონები 4 წლის განმავლობაში ცდილობენ მუსლიმანური რელიგიური ტექსტის ექვსას ოთხივე გვერდის ზეპირად დასწავლას. ზოგიერთი სკოლა-ინტერნატი სეკულარულ გაკვეთილებსაც უზრუნველყოფს, თუმცა მთავარი აქცენტი მუჰამედის დროიდან არსებული ყურანის ტრადიციულ სწავლებაზე კეთდება. მე ვცდილობდი მეჩვენებინა არა მარტო დისციპლინა, რომელიც საჭიროა, რომ გახდე ჰაფიზი (ის, ვისაც ახსოვს), არამედ სწავლის პროცესში გოგონების მიერ შენარჩუნებული ახალგაზრდული ბუნება. მსურდა შემექმნა ზუსტი შთაბეჭდილება ხშირად არასწორად გაგებულ სეგმენტზე.
მოსწავლე ერთ-ერთი დავალების სახით ლიმონებს ახარისხებს სკოლის სასადილო ოთახში ყარსში (ქალაქი ჩრდილო-აღმოსავლეთ თურქეთში).
ამავე სკოლაში გოგონა სახელად რეიანი მზარეულებისთვის პომიდორს კრეფს. მოსწავლეები ასეთ დავალებებს მენსტრუალური ციკლის დროს ასრულებენ. ზოგიერთი მუსლიმის აზრით, ამ დროს ყურანთან შეხება არ შეიძლება.
სტამბოლში (თურქეთი) ყურანის სკოლაში მოსწავლე ზეინეფი და მისი კლასელი შესვენებას ფორთოხლის ხის ქვეშ ატარებენ. ფოტოგრაფი ბავშვობაში მსგავს სკოლაში სწავლობდა.
სტამბოლის სკოლის ეზოში ასლიჰანი და მისი მეგობარი გორილის ნიღბით ერთობიან. მოგვიანებით ორივე თანაკლასელებთან სათამაშოდ გაიქცა დერეფანში.
სტამბოლში, ყურანის სკოლაში პიკნიკის დროს თვითმფრინავმა მოსწავლეების თავზე გადაიფრინა, რომლებიც ქარში გაშლილი თავსაბურავებით თითქოს გასაფრენად ემზადებიან.
მოსწავლე ერთ-ერთი დავალების სახით ლიმონებს ახარისხებს სკოლის სასადილო ოთახში ყარსში (ქალაქი ჩრდილო-აღმოსავლეთ თურქეთში).
ამავე სკოლაში გოგონა სახელად რეიანი მზარეულებისთვის პომიდორს კრეფს. მოსწავლეები ასეთ დავალებებს მენსტრუალური ციკლის დროს ასრულებენ. ზოგიერთი მუსლიმის აზრით, ამ დროს ყურანთან შეხება არ შეიძლება.
სტამბოლში (თურქეთი) ყურანის სკოლაში მოსწავლე ზეინეფი და მისი კლასელი შესვენებას ფორთოხლის ხის ქვეშ ატარებენ. ფოტოგრაფი ბავშვობაში მსგავს სკოლაში სწავლობდა.
სტამბოლის სკოლის ეზოში ასლიჰანი და მისი მეგობარი გორილის ნიღბით ერთობიან. მოგვიანებით ორივე თანაკლასელებთან სათამაშოდ გაიქცა დერეფანში.
სტამბოლში, ყურანის სკოლაში პიკნიკის დროს თვითმფრინავმა მოსწავლეების თავზე გადაიფრინა, რომლებიც ქარში გაშლილი თავსაბურავებით თითქოს გასაფრენად ემზადებიან.
ეს ამბავი ახალგაზრდა ქალებსა და ჩემს მოგონებებზეა. ყოველმა ჩვენგანმა გამოავლინა მცირე წინააღმდეგობები საკუთარი ინდივიდუალობის შესანარჩუნებლად.
საბოლოო შედეგი – წიგნი სახელწოდებით „ჰაფიზი“ – ჩემი ნოსტალგიანარევი ძღვენია ამ გოგონების და ჩემს დასთან ერთად გავლილი გზის მიმართ. ეს პროექტი თავგადასავლად, ჩემი ფოტოების გმირები კი ჩემს დებად იქცნენ.
