განძით და შინაარსით სავსე

კატეგორიები (ილუსტრირებული) ნაპოვნი ნივთების რაოდენობის პროპორციულად არის გამოსახული.

ტუტანხამონი დაიბადა ფარაონ ეხნატონის მმართველობის პერიოდში – დრო, როდესაც ტრადიციული ღმერთების პანთეონი შეიცვალა ერთადერთი ღმერთის – მზის ღვთაების თაყვანისცემით. როდესაც სამეფო ტახტზე ტუტანხამონი ავიდა, მან კვლავ დააბრუნა ეგვიპტის მრავალღმერთიანობა. და ტუტანხამონის გარდაცვალებისას ფარაონს საფლავში ჩააყოლეს მათი სკულპტურული გამოსახულებები – ისევე, როგორც სპეციალურად მისი დაკრძალვისთვის შექმნილი და საგვარეულო ნივთები. სჯეროდათ, რომ ისინი ფარაონს საიქიოში გააცილებდნენ. 110 კვ. მეტრის ოთხოთახიან სამარხში მოეთავსებინათ 5000-ზე მეტი ნივთი – მინიატიურული სამეურნეო იარაღები თუ ოთახისოდენა დიდებული სარკოფაგები. ტუტანხამონის მუმიასთან იპოვეს სამოსი, სამაგიდო თამაშები, ძვირფასი ქვები, საბრძოლო იარაღი, ავეჯი, კოსმეტიკური საშუალებები, საკვები და ღვინო. ნივთების უმეტესობაზე ამოეკვეთათ ტუტანხამონის სახელი ან გამოსახულება. კარტერმა და მისი გუნდის წევრებმა ჩაიწერეს თითოეული ნივთის წყობა და დეტალები – პატარა ფრაგმენტებით დაწყებული, იმ ნივთებით დამთავრებული, რომლებიც არაორგანიზებულად დაახვავეს ძველი დროის ქურუმებმა. არქეოლოგები დღემდე იკვლევენ აღნიშნულ არტეფაქტებსა და იმ კონტექსტუალურ გარემოს, სადაც ისინი იპოვეს.

*შეიცავს დამტვრეულსა და ისეთ ნივთებს, რომლებიც ვერ თავსდება სხვა კატეგორიებში.

ალბერტო ლუკას ლოპესი და პატრისია ჰილი, NGM-ის თანამშრომლები
ილუსტრაცია: მეთიუ ტუომბლი
წყარო: სალიმა იკრამი, ამერიკული უნივერსიტეტი კაიროში; ფრედრიკ ჰიბერტი, NGS