გენდერის საკითხი

გენდერის დღევანდელი პორტრეტი

გენდერულ რევოლუციაზე წარმოდგენა რომ შეგექმნათ, ამ ფოტოს დააკვირდით. სხვადასხვა აქტივისტების დახმარებით, National Geographic-მა გენდერული იდენტობის ფართო სპექტრის 15 წარმომადგენელი შეკრიბა. მათი იდენტობა, ქვემოთ, მათივე სიტყვებით არის განმარტებული.

1. ჰარი ჩარლსვორთი, 20 წლის, ქვიარი 2. ასიანა სკოტი, 20, ჰერმაფროდიტი 3. მემფის მერფი, 16, ტრანსგენდერი ქალი 4. ანგელიკა ჰიკსი, 23, ჰეტეროსექსუალი ქალი 5. ალექს ბრაისონი, 11, ტრანსგენდერი კაცი 6. მორგან ფრენსისი, 30, ბიგენდერი 7. დენზელ ჰატჩინსონი, 19, ჰეტეროსექსუალი კაცი 8. ელი, 12, ტრანსი კაცი 9. არიელ მურტა, 15, ტრანსგენდერი ქალი 10. ლი, 16, ტრანსი კაცი 11. პიგეონ პაგონისი, 30, ინტერსექსუალი, არაბინარული 12. შეპარდ ვერბასი, 24, არაბინარული, ქვიარი 13. ჩერნო ბიკო, 25, ტრანსი 14. ჯულსი, 16, ტრანსი კაცი 15. ალოკ ვაიდ-მენონი, 25, არაბინარული გენდერი

აგენდერი: ადამიანი, რომელსაც საერთოდ არ გააჩნია გენდერული იდენტობა.

ანდროგინი: ადამიანი, რომელიც გამოხატავს ან ერთდროულად მამაკაცისა და ქალის გენდერულ იდენტობას, ან არატრადიციული გენდერული თვითგამოხატვის ფორმები აქვს.

ცისგენდერი: ადამიანი, რომლის გენდერული იდენტობაც ბიოლოგიურ სქესთან თანხვედრაშია.

ბინარული გენდერი: ნიშნავს, რომ ადამიანი დაბადებიდანვე ქალია ან კაცი. ბინარული გენდერი შემზღუდველია მათთვის, ვინც ზემოხსენებულ კატეგორიებში ვერ ჯდება.

გენდერულად შესაბამისი: ადამიანი, რომლის გენდერიც კულტურულ ნორმებს შეესაბამება. ამ ნორმების მიხედვით, ბიჭი მამაკაცური უნდა იყოს, გოგო – ქალური.

გენდერული დისფორია: ტრანსგენდერებზე დასმული სამედიცინო დიაგნოზი (ამერიკის ფსიქიატრიული ასოციაცია). აღნიშნული ეწინააღმდეგება ტრანსგენდერი საზოგადოების შეხედულებებს, რადგან ამ განსაზღვრებით, ეს არის მენტალური დაავადება.

გენდერფლუიდი: ადამიანი, რომელსაც ორი ან მეტი გენდერული თვითგამოხატვა აქვს.

გენდერული იდენტობა: შინაგანი, ინტერნალური მოცემულობა, ადამიანის გენდერული თვითაღქმა.

გენდერის მარკერი: სქესის აღნიშვნა ოფიციალურ საბუთზე. ტრანსგენდერის პირადობის დამადასტურებელ საბუთზე ის სქესი იქნება მოცემული, რაც დაბადებისას მიენიჭა, სანამ თავად არ შეიცვლის კანონის საფუძველზე, მსოფლიოს იმ ნაწილში, სადაც ეს ლეგალურია.

გენდერული შეუსაბამობა: ადამიანის გენდერული თვითგამოხატვის შეუსაბამობა კულტურულ ნორმებთან. გენდერთან შეუსაბამობას ხშირად ურევენ სექსუალურ ორიენტაციაში.

გენდერქვიარი: ადამიანი, რომლსაც არც ქალური გენდერული იდენტობა აქვს და არც მამაკაცური, სადღაც შუაშია ან ამ ორის კომბინაციას წარმოადგენს.

ინტერსექსი: ადამიანი, რომლის გენეტიკური, გენიტალიური, რეპროდუქციული ან ჰორმონალური კონფიგურაცია არ თავსდება ტიპურ ბინარულ სისტემაში.

ქვიარი: ადამიანები, რომლებიც არც ჰეტეროსექსუალები არიან და არც ცისგენდერები. უწინ ეს სიტყვა შეურაცხმყოფელი იყო.

ლგბტქ: აბრევიატურაა და განივრცობა შემდეგნაირად: ლესბოსელი, გეი, ბისექსუალი, ტრანსგენდერი, ქვიარი. „ლგბტქ“ არ არის არაჰეტეროსექსუალის სინონიმი, რადგან ჰეტეროსექსუალობის განსაზღვრება, არასწორად მიაწერს ტრანსგენდერს სექსუალურ ორიენტაციას.

არაბინარული გენდერი: ტერმინია, რომელიც აერთიანებს იმ გენდერულ იდენტობებს, რომლებიც არ ჯდება მამაკაცისა და ქალის ბინარულ სისტემაში. ტერმინი მოიცავს აგენდერებს, ბიგენდერებს, გენდერქვიარებს, გენდერფლუიდებს და პანგენდერებს.

სექსუალური ორიენტაცია: ადამიანის მიზიდულობის გრძნობა სხვა ადამიანების მიმართ. შეიძლება ადამიანი საპირისპირო, საკუთარი ან ორივე სქესის მიმართ განიცდიდეს მიზიდულობას. ზოგ ადამიანს საერთოდ არ გააჩნია სქესობრივი ლტოლვა და მათ ასექსუალები ჰქვიათ.

ტრანსგენდერი: ტრანსი, ადამიანი, რომლის გენდერული იდენტობა და თვითგამოხატვა განსხვავდება მისთვის დაბადებისას მინიჭებული სქესისგან. ტრანსგენდერ ადამიანს ისეთივე ქცევა ახასიათებს, როგორიც საწინააღმდეგო სქესის ადამიანს.

ტრანსსექსუალი: იმ ტრანსგედერის აღმნიშვნელი ძველი ტერმინი, რომელიც გადის ჰორმონალურ ან სამედიცინო მკურნალობის კურსს, რათა უფრო ახლოს იყოს თავის გენდერულ იდენტობასთან და არა დაბადებისას მინიჭებულ სქესთან.

სქესობრივი მომწიფების დაბლოკვა: სამედიცინო პროცესი, რომელიც მოზარდებში ჰორმონალურ ცვლილებებს აყოვნებს. შედეგად, მიზანმიმართულად გვიანდება მეორადი სქესობრივი მახასიათებლების ჩამოყალიბება. ეს მეტ დროს იძლევა გადაწყვეტილების მისაღებად და ტრანსგენდერ მოზარდებს სქესობრივი მომწიფებისას შესაძლო დისფორიის თავიდან აცილებაში ეხმარება.