გზავნილები მეცნიერებისა და ინოვაციის მოწინავე ხაზიდან

იქ, სადაც უძველესი ვეშაპები ცურავდნენ

თანამედროვე ვეშაპების მიგრაციაზე ინფორმაციის მოპოვება მათი დანიშვნითაა შესაძლებელი, მაგრამ არა პრეისტორიული ვეშაპებისა. ბერკლის უნივერსიტეტის მკვლევარმა ლარი ტეილორმა იცოდა, რომ თანამედროვე ნიჟარები წყლიდან სხვადასხვა წონის ჟანგბადის ატომებს ითვისებენ. ასე იმ ოკეანეების დადგენა შეიძლება, რომლებშიც ისინი ვეშაპებთან ერთად მოგზაურობენ. განამარხებული ნაშთების კვლევით აღმოჩნდა, რომ პრეისტორიულ ნიჟარებსაც იგივე თვისებები ჰქონდათ. ტეილორი იმედოვნებს, რომ ამ გზით ნათელს მოჰფენს პრეისტორიული ვეშაპების მიგრაციასა და ოკეანეების ევოლუციას. – ლორი ქათბერტი

ოკეანეების გამარჯვებისთვის

წყნარი ოკეანის დიდი ნაგვის გროვა დაახლოებით 80 000 ტონა პლასტმასას მოიცავს და აქედან თითქმის ნახევარი თევზსაჭერი ბადეებია. Bureo კომპანიაა, რომელიც ოკეანის პლასტმასის პრობლემის გადასაჭრელად მისგან სერფინგის დაფების ნაწილებს, სკეიტბორდებს და მზის სათვალეებს ამზადებს. კალიფორნიასა და ჩილეში მდებარე Boreo-ს საწარმოებში ბადეები გრანულებად იშლება, ყალიბებში იყრება და სითბოსა და წნევის საშუალებით საჭირო პროდუქციად გადამუშავდება – კიდევ ერთი გამარჯვება პლასტმასით დაბინძურებასთან ომში. – ლორი ქათბერტი

სიმინდის სარტყლის საინტერესო თეორია

მეცნიერები იკვლევენ, რა გავლენას ახდენს ინდუსტრიალიზებული სოფლის მეურნეობა აშშ-ის კლიმატსა და ამინდზე. მასაჩუსეტსის ტექნოლოგიური უნივერსიტეტის ერთ-ერთი კვლევა საინტერესო ახსნას გვთავაზობს. კვლევის მიხედვით, აშშ-ის ე.წ. სიმინდის სარტყლის კლიმატს თვითონ სიმინდი ცვლის – მილიონობით ჰექტარზე გაშენებული მცენარე, რომელიც ნახშირორჟანგს ითვისებს, გამოყოფს წყალს და ამით დაბალ ტემპერატურასა და მეტ წვიმას იწვევს.