გზავნილები მეცნიერებისა და ინოვაციის მოწინავე ხაზიდან
ეს “ზღვის ბეკონი“ ცილებითაა სავსე.
ხრაშუნა ზღვის მცენარეების გარნირი
ორეგონელი საზღვაო ფერმერები ამ წყალმცენარეს “ცილების საუკეთესო წყაროს“, “მომავლის საჭმელს“ და “ზღვის ბეკონს“ ეძახიან. დულსს, ატლანტის და წყნარ ოკეანეებში აღმოჩენილ წყალმცენარეს, ჩრდილოეთ ევროპაში საუკუნეების განმავლობაში ჭამდნენ, ამერიკელების უმეტესობას კი მასზე არაფერი გაუგია. ორეგონის სახელმწიფო უნივერსიტეტის მკვლევრებმა დააპატენტეს დულსის ჯიში, რომელიც ხმელეთზე, ზღვის წყლით სავსე რეზერვუარებში მხოლოდ მზის სინათლის მეშვეობით ხარობს. დულსი სწრაფად იზრდება, მდიდარია ვიტამინებით, მინერალებით, ცილებით და ანტიოქსიდანტებით. ზოგის თქმით, შემწვარ დულსს ბეკონის გემო აქვს. ჩაკ ტუმბსის კომპანიას დულსი ორეგონის სანაპიროზე მოჰყავს, ქორფას რესტორნებში აბარებს, გამომშრალს – მაღაზიებში. “ხალხი მეტ მცენარეულ ცილას ითხოვს, – ამბობს ტომბსი, – ეს მოთხოვნა უნდა დავაკმაყოფილოთ“. – ჰიქს ვოგანი
ჯავშნოსანი ხოჭოები
ზოფერიდებს მართებულად უწოდებენ ჯავშნოსან ხოჭოებს: 2,5 სანტიმეტრამდე სიგრძის მწერების გარე ჩონჩხს 40 000-ჯერ მძიმე სხეულის დაწოლას შეუძლია გაუძლოს. აშშ-ის საჰაერო ძალები ახალი მასალების შესაქმნელად ზოფერიდების ჯავშნის კვლევას აფინანსებს. – ჰიქს ვოგანი
ლაბორატორიაში შექმნილი ყბები
მათთვის, ვისაც საფეთქელ-ქვედაყბის სახსართან დაკავშირებული პრობლემები აწუხებს, მეცნიერებს დამაიმედებელი სიახლე აქვთ. კვლევის შედეგად მეცნიერებმა ღორის ღეროვანი უჯრედებისგან (ღორის ყბის სტრუქტურა ადამიანისას წააგავს) ყბის სახსრის ძვლოვანი ქსოვილი შექმნეს. გადანერგვიდან ექვსი თვის შემდეგ სახსრებმა სრულად გაუძლო ღეჭვის ზეწოლას. მალე კლინიკური კვლევის ადამიანებზე ჩატარება იგეგმება. – ჰიქს ვოგანი