გზავნილები მეცნიერებისა და ინოვაციის მოწინავე ხაზიდან

ბრაკონიერების ყნოსვით მიგნება

ტეხასურმა მეძებარმა ძაღლებმა მკვეთრად შეცვალეს ანტიბრაკონიერული ბრძოლის მეთოდები სამხრეთ აფრიკაში. უკანასკნელ ათწლეულში კრიუგერის ეროვნული პარკის ტერიტორიაზე 4000 მარტორქა მოკლეს; 2018 წლის მაისიდან ტეხასელი ჯო ბრამანის მიერ გაწვრთნილი მეძებრების დახმარებით 54 პროცენტით მეტი ბრაკონიერი დააკავეს და და 24 პროცენტით შეამცირეს მარტორქებზე ბრაკონიერობის შემთხვევები.
ინდივიდუალურ გამძღოლ ძაღლებთან ერთად მომუშავე საპატრულო ჯგუფები ბრაკონიერებს ხშირად ჩამორჩებოდნენ. ამიტომ სამხრეთ აფრიკის ველური ბუნების კოლეჯის თანამშრომლებს ტერიტორიაზე თავისუფლად მორბენალი ძაღლების გამოცდა სურდათ. მეძებარი ძაღლების მოყვარულმა და შეთავსებით პოლიციელმა ბრამანმა მათ ძაღლების ტეხასში გაწვრთნა და სამხრეთ აფრიკაში გაგზავნა შესთავაზა. ცოცხალ ოპერაციებში, GPS-საყელურებით აღჭურვილი ძაღლები ბრაკონიერებს სუნით აგნებენ. ერთდროული შეტევით ობიექტი ჩიხში შეჰყავთ. ბრამანის თქმით, „თუ ძაღლი შემოგიტევთ, თოფი სასწრაფოდ უნდა დააგდოთ და ხეზე აცოცდეთ“. – პოლ შტეინი

ლაბორატორია, რომელსაც საფოსტო მარკის ზომა და ფასი აქვს

პაციენტების დაავადებების დიაგნოსტირებისას ნიმუშები ხშირად კვლევით ლაბორატორიებში იგზავნება. ისეთი ადგილებისთვის, სადაც ამ რესურსის ნაკლებობაა, ჰარვარდელმა ჯორჯ უაიტსაიდსმა წლები მიუძღვნა მარკის ზომის ფილტრის ქაღალდზე „ლაბორატორიის“ შექმნას. როდესაც ეს იაფი, მარტივად გამოსაყენებელი დანადგარი სისხლის ან შარდის წვეთს იწოვს, ქიმიური რეაქტივის წერტილები ფერს იცვლის და გვამცნობენ ჯანმრთელობის სხვადასხვა მდგომარეობას, როგორიცაა მაგალითად, ჭარბი ცილა. – ენი როთი

მიკროპლასტმასის შემცირების ბრწყინვალე მეთოდი

ყველაფერი, რაც ბრწყინავს, „მწვანე“ როდია: ბრჭყვიალა დეტალების უმეტესობა პლასტმასისგან შედგება და მათ დაშლას ასობით წელი სჭირდება. დიდ ბრიტანეთში შექმნილი „ბიობრჭყვიალები“, რომლებიც ევკალიპტის ხის ცელულოზისგან მზადდება, ბუნებაში უვნებლად ბიოდეგრადირდება. – ენი როთი

გაიგეთ მეტი პლასტმასის ნარჩენებზე და დადეთ პირობა, რომ შეამცირებთ მის მოხმარებას: natgeo.com/plasticpledge