კაცობრიობის ფერთა გამა

„დარწმუნებული ვარ, რომ შავი და თეთრი არ არსებობს“, ამბობს ფოტოგრაფი ანჟელიკა დასი. ექვსი წლის განმავლობაში ის ათასობით ადამიანის კანის ფერს ფერების სტანდარტულ პალიტრას ამთხვევდა იმის საჩვენებლად, თუ რამდენად პირობითია რასობრივი კლასიფიკაცია.

როდესაც ადამიანები ბრაზილიელი ანჟელიკა დასის ყავისფერ კანსა და მისი ესპანელი ქმრის მოვარდისფრო ტონებს ხედავდნენ, მათი მომავალი შვილების კანის ფერზე თეორიებს აგებდნენ. პასუხის საპოვნელად დასმა თავისი ოჯახის წევრების კანის ფერზე დაიწყო დაკვირვება.

2012 წელს მან საკუთარი თავი, მისი მაშინდელი ქმარი და მათი ოჯახები გადაიღო ამ ნაზავის საჩვენებლად. ის პორტრეტების ცხვირებიდან პიქსელების მონაკვეთს პანტონის ფერების სკალას ამთხვევდა. ასე დაიწყო „Humanae“, პროექტი, რომელმაც 18 ქვეყანაში 4000 პორტრეტი და უთვალავი ადამიანის ფერი შეაგროვა.

„Humanae“-ს შექმნამ ის ტენესიდან (სადაც თეთრი სუპრემასისტი მის მკლავებში ტიროდა) შვეიცარიაში ჩაიყვანა, სადაც უხუცესები ლტოლვილებს ხვდებოდნენ, რომელთა ჩასახლებასაც ერთ დროს ეწინააღმდეგებოდნენ. „ადგილებში, სადაც თანაგრძნობის პოვნას არ ელოდები, შეიძლება მცირე მარცვალმა გაიხაროს“, ამბობს ის. „და შეიძლება ეს ის მარცვალი აღმოჩნდეს, რომელიც ჩვენს – როგორც ადამიანების – მომავალს შეცვლის“.