კატისებრთა ახალი სახეობა

ვეფხვისებრი კატა, პატარა, მარტოობის მოყვარული არსება, რომლის საბინადრო არეალი კოსტა-რიკიდან არგენტინამდეა, დიდი ხანია ბურუსითაა მოცული. მკვლევრებმა ახლახან აღმოაჩინეს ნისლა ვეფხვისებრი კატა. გენეტიკური კვლევის, მუზეუმში არსებული ტყავების და ფოტოხაფანგებით აღბეჭდილი ათასობით ფოტოს მეშვეობით ის განასხვავეს ვეფხვისებრი კატის ორი სხვა ცნობილი სახეობისგან: სავანისა და ატლანტისპირა ტყის სახეობებისგან. ეს სამივე მტაცებელი საფრთხეშია ჰაბიტატის განადგურების და შინაური ცხოველებიდან გადამდები დაავადებების გამო.

„მათ თავიანთი ისტორიული არეალის 50% დაკარგეს“, – ამბობს ბრაზილიის მარანიანის შტატის უნივერსიტეტის ველურ ცხოველთა კონსერვაციონისტი ტადეუ დე ოლივეირა. მან დააფუძნა „ვეფხვისებრი კატების კონსერვაციის ინიციატივა“, რომელიც შინაური ცხოველების ასაცრელად ადგილობრივ მცხოვრებლებთან თანამშრომლობს. „წითელი განგაში უკვე ჩართულია“, – ამბობს იგი.

რუკა: მეთიუ უ. ჩვასტიკი, NGM-ის თანამშრომელი
წყარო: ტადეუ გომეს დე ოლივეირა, მარანიანის შტატის უნივერსიტეტი (UEMA)

National Geographic Society აფინანსებს ჯოელ სარტორეს „ფოტოკიდობნის“ პროექტს, რომელიც მიზნად ისახავს ზოოპარკებში, აკვარიუმებსა და ნაკრძალებში მცხოვრები ყველა სახეობის აღბეჭდვას.