ხელოვნური საშვილოსნო

არცთუ შორეულ მომავალში ნაადრევად დაბადებული ჩვილების მშობლები შეიძლება აკვარიუმის მსგავს ნივთთან მდგარი აღმოვაჩინოთ. ხელოვნურ საშვილოსნოში ჩვილი სიმულირებულ ამნიონურ სითხეში იქნება მოთავსებული, რომელიც ფილტვებს შეავსებს და ფორმირების დროს მისცემს.

ჩვეულებრივ, ორსულობა 40 კვირამდე გრძელდება. 37 კვირამდე დაბადებული ბავშვები ნაადრევად დაბადებულად ითვლებიან. სიცოცხლისუნარიანებად 22-23 კვირის ჩვილები ითვლებიან და გადარჩენის 50%-ზე ნაკლები შანსი აქვთ. მათი სიკვდილიანობის მთავარი მიზეზი სუსტი ფილტვებია.

ფილადელფიის ბავშვთა ჰოსპიტლის მკვლევრებმა ხელოვნური საშვილოსნო ნაადრევად დაბადებულ რვა ბატკანზე გამოსცადეს. ბატკნების ფილტვები და ორგანოები ისე ჩამოყალიბდა, როგორც ეს ცხვრის საშვილოსნოში მოხდებოდა. მას შემდეგ რამდენიმე ბატკანი გაიზარდა. ერთი ბატკანი წელიწადზე მეტი ხნისაა და ყოველმხრივ ნორმალურად გამოიყურება, ტვინის განვითარების ჩათვლით.

„ჩვენ ცხვრების ინტელექტის ტესტი არ გვაქვს, – თქვა კვლევის ხელმძღვანელმა ალან ფლეიკმა კონფერენციაზე, – მაგრამ ვფიქრობთ, რომ ისინი საკმაოდ ჭკვიანი ბატკნები არიან“.

ხელოვნური საშვილოსნოს მიზანი, ფლეიკის თქმით, ჩვილის დედის საშვილოსნოს გარეთ გაზრდა არ არის. მკვლევრები იმედოვნებენ, რომ 28-ე კვირამდე დაბადებული ბავშვების გადარჩენის შანსებს გაზრდიან და ჯანმრთელობას გაუუმჯობესებენ.