კოსმოსიდან დანახული უძველესი ადგილები

არქეოლოგია ყოველთვის მიწით ხელების დასვრას არ ნიშნავს. ხანდახან ის, ძველი ნანგრევებისა თუ საფრთხეში მყოფი უძველესი ადგილების ნაკვალევის აღმოსაჩენად, კომპიუტერში თანამგზავრული ფოტოების თვალიერებასაც მოიაზრებს. ე.წ. კოსმოსური არქეოლოგიის პიონერს, National Geographic-ის გრანტის მფლობელ სარა პარქაკს, მრავალი ასეთი სურათი აქვს შესწავლილი.

იანვარში მან პერუს არქეოლოგიური ობიექტების გამოსავლენად, მოხალისეების მოზიდვის ექსპერიმენტი წამოიწყო. პროექტი GlobalXplorer წააგავდა თამაშს, რომელიც კომპანია DigitalGlobe-ის სურათებს იყენებდა. ამ წამოწყებას 45 000-ზე მეტი მომხმარებელი და 10 მილიონი ნახვა ჰქონდა.

არქეოლოგიური ველების ძარცვისა და მიწის მითვისების ნიშნების ძიებაში 15 000 სურათი დავათვალიერე და მე თუ არა, სხვებმა მაინც, დიდი აღმოჩენები გააკეთეს.

„მოხალისეები კარგი მაძიებლები აღმოჩნდნენ, – ამბობს პარქაკი, – ლიმასთან ახლოს, ერთ პატარა ტერიტორიაზე მომხმარებლებმა თითქმის 3000 არქეოლოგიური ერთეული აღმოაჩინეს“. ცდომილება ძალიან მცირე იყო. შედეგი იმდენად წამახალისებელი აღმოჩნდა, რომ პარქაკი სხვა ქვეყნის შესწავლასაც გეგმავს.