მა ჯუნი

ჯანმრთელობის მსოფლიო ორგანიზაციის მონაცემებით, ჰაერის დაბინძურების შედეგებისგან  ჩინეთში 2016 წელს მილიონ ადამიანზე მეტი გარდაიცვალა. მა ჯუნი ჩინეთის მთავრობასა და კერძო კომპანიებზე მუდმივ ზეწოლას ახდენს, რათა მათ ჰაერის დაბინძურება შეამცირონ.

ყოფილმა გამომძიებელმა ჟურნალისტმა, ცნობილი წიგნის, „ჩინეთის წყლის კრიზისის“ ავტორმა მამ 2006 წელს გარემოსდაცვით და საზოგადოებრივ საქმეთა ინსტიტუტი (IPE) დააარსა. ორგანიზაციის მიზანი გარემოსდაცვითი ინფორმაციის გავრცელებაა. „ჩვენს გარემოსდაცვით მმართველობაში ხალხი უნდა ჩავრთოთ“, ამბობს მა.

IPE-ს ზეწოლის შედეგად ჩინეთის მთავრობამ დამაბინძურებლების წყაროების მონაცემები გაასაჯაროვა. IPE-მ ისინი ონლაინ რუკასა და ტელეფონის აპლიკაციაში შეიყვანა, რომელსაც Blue Map-ი ეწოდება. ახლა ჩინეთის მოქალაქეებს შეუძლიათ ნახონ, უსაფრთხოა თუ არა მათი შვილების გარეთ სათამაშოდ გაშვება, და შეუძლიათ იმ საწარმოების ამოცნობა, რომლებიც დაბინძურების მიზეზია. მისი თქმით, კომპანიები საზოგადოებრივი წნეხის ქვეშ არიან, რათა უფრო სუფთები გახდნენ. მისივე თქმით, ასევე მნიშვნელოვანია – მთავრობა დარწმუნდა იმაში, „რომ გარემოსდაცვითი გამჭვირვალობა ჩვენს საზოგადოებას არ გახლეჩს“.