მაღალი და ძლევამოსილი

კალიფორნიის მაუნტ-შასტას ეროვნული ტყე. ხის კენწეროზე, სახანძრო საგუშაგოზე მდგარი მამაკაცის თვალწინ ვრცელი ხედი იშლება (1924 წელი). როგორ მოახერხა ასე მაღლა აძრომა?

„ეს ხე სანერგესთან ახლოს იყო და, შესაძლოა, ლითონის კიბეც ჰქონოდა“, – ამბობს ტყის ისტორიის საზოგადოების წევრი შერილ ოუკსი.

აშშ-ის სატყეო სამსახურის პრიორიტეტად ხანძრის დროული აღმოჩენა, მას შემდეგ იქცა, რაც 1910 წლის აგვისტოში ცეცხლმა მილიონამდე ჰექტარი ტყე გაანადგურა აიდაჰოს, მონტანასა და ვაშინგტონის შტატებში. აშშ-ის ისტორიაში ეს ორდღიანი ხანძარი უდიდესია და „დიდი აფეთქების” სახელითაა ცნობილი.