მანქანის პირველი მართვა გადაიდო

მძღოლების რაოდენობის 60-წლიანი მატების შემდეგ, ამერიკელთა ავტომობილებით გატაცება კლებულობს. სულ უფრო ნაკლები მოზარდი იღებს მანქანის მართვის მოწმობას. 2009 წელს 16-დან 34-წლამდე ადამიანებმა, 2001 წელთან შედარებით, 37% კილომეტრით ნაკლები მანძილი დაფარეს. ზოგი ამბობს, რომ მანქანა ძვირია ან ველოსიპედსა და ფეხით სიარულს ამჯობინებს.

ტრანსპორტის კვლევის ინსტიტუტის (მიჩიგანი) 2013 წლის კვლევამ გამოავლინა ავტოტრანსპორტის 6%-ით შემცირება 2008 წელთან შედარებით, როდესაც რეცესია დაიწყო. თუმცა ამ მაჩვენებლის კლება მარტო ეკონომიკის ბრალი არაა. აშშ-ის „საზოგადოებრივი ინტერესის კვლევის ჯგუ-ფის“ მონაცემებით, მისი გამომწვევი ფაქტორები ონლაინ და მობილური ტექნოლოგიებიცაა, რომლებიც ასაზრდოებენ დისტანციურ მუშაობასა და ინტერნეტ-მაღაზიებს. „21-ე საუკუნის ამერიკაში ავტომობილი აღარ გამოხატავს თავისუფლებას, ის მხოლოდ გადაადგილების საშუალებაა“, – ამ-ბობს კოტენ სეილერი, ავტორი წიგნისა „მძღოლების რესპუბლიკა“.