მცენარეები, რომლებსაც არ სძინავთ

ხორბლისა და ქერის ყანები უფრო სწრაფად გაიზრდებოდა, მზე ღამით რომ არ ჩადიოდეს. მეცნიერების საერთაშორისო ჯგუფი მცენარეების „სწრაფი აღმოცენების“ მეთოდისთვის ოპტიმალური ფერის შუქდიოდურ განათებას იყენებს, რომელიც მზის სინათლეს ცვლის და სათბურის მცენარეებს მთელი დღისა და ღამის დიდი ნაწილის განმავლობაში ანათებს. შედეგი მაღალი ნაყოფიერების მქონე მცენარეებია. ჩვეულებრივ, მინდორზე დათესილი ხორბლისგან განსხვავებით, რომელიც წელიწადში ერთხელ გვაძლევს თესლს, მცენარე, რომელიც 22 საათი ნათდება, ექვს თაობას იცვლის.
ძუძუმწოვრები, რომლებსაც არ სძინავთ, ავადმყოფობის რისკის ქვეშ არიან. მცენარეებს ეს საფრთხე არ ემუქრებათ. ურბანული სოფლის მეურნეობის ტენდენციებმა და მაღალმოსავლიანობამ შეიძლება ამ მეთოდის სხვა სახეობებზე გამოყენებას გაუხსნას გზა. გენეტიკურმა ტესტირებამ მოსავლიან სახეობებზე შეიძლება პასუხები გაგვცეს უფრო სწრაფ და ეფექტურ ზრდაზე, შუქის ქვეშ ან ფერმერის მინდვრებზე. – დენიელ სტოუნი

მხსნელი მოლუსკები

ერთ-ერთი კვლევის მიხედვით, წყალმცენარეების ერთ მშიერ მჭამელს მთელი ეკოსისტემის დაცვა შეუძლია კლიმატის ცვლილების შედეგებისგან. ზღვის მოლუსკების სახეობამ, რომელიც წყალმცენარეებით იკვებება, კლდოვანი ეკოსისტემა და მისი ბიომრავალფეროვნება წყალმცენარეებისაგან დაპყრობას გადაარჩინა. ბრიტანეთის კოლუმბიის უნივერსიტეტის წამყვანი მკვლევრის, რებეკა კორდასის თქმით, თუ ასეთი მნიშვნელოვანი მომხმარებლები გადაშენდებიან, დამთბარი კლიმატი ბევრად უფრო მეტად დააზიანებს ეკოსისტემას“. – ლორი ქათბერტი

3,6  სანტიმეტრი

3500 წლის ქვა – ხელოვნების საიდუმლო

მომცრო აქატზე ამოტვიფრული საბრძოლო სცენა ისტორიკოსებს თავსატეხს უჩენს: როგორ ამოჭრეს იგი? რომელ ლეგენდას ასახავს? პასუხებმა შეიძლება უძველესი ხელოვნების შესახებ ჩვენი ცოდნა გაამდიდროს. – ლორი ქათბერტი