შეერთებულ შტატებში მეცნიერებაში, ტექნოლოგიებში, ინჟინერიასა და მათემატიკაში (STEM) კარიერის მაძიებელ სტუდენტ ქალთა რიცხვი მატულობს, რედიც ერთ-ერთი მათგანია. უნივერსიტეტები და დაწესებულებები მასპინძლობენ STEM-ის დღეებს გოგონებისათვის. ორგანიზაციები აწყვილებს STEM-ის სფეროში დასაქმებულ ქალებს რჩევისა და მენტორის მაძიებელ გოგონებთან. ISEF-ი (საერთაშრისო სამეცნიერო და საინჟინრო ფესტივალი) საშუალო სკოლის შერჩეულ მოსწავლეებს საერთაშორისო დონეზე ასპარეზობის შესაძლებლობისთვის ფორუმს სთავაზობს. წლევანდელ ღონისძიებაზე გენდერულად თანაბრად დაყოფილი 1842 ფინალისტი გამოვლინდა, უმაღლესი ოთხი ჯილდოდან კი სამი ახალგაზრდა ქალებს ერგო.

თუმცა, აშკარა დისბალანსი მაინც არსებობს. წელს ISEF-ში მიკრობიოლოგიის და ბიოქიმიის მიმართულებებზე ახალგაზრდა ქალების რიცხვმა მამაკაცებისას გადააჭარბა, მაგრამ მათემატიკისა და საინჟინრო მექანიკის ფინალისტებს შორის ქალები მესამედზე ნაკლები იყვნენ. მეტი და მეტი ქალი იცავს უმაღლეს STEM-ის ხარისხებს, მაგრამ STEM-ინდუსტრიებში პროფესორებისა და ლიდერების ადგილი უმეტესად მამაკაცებს უჭირავთ, გვამცნობს ასოციაცია “ქალები მეცნიერებაში“.

“თუმცა ტრანსფორმაცია მიმდინარეობს“, – ამბობს მაია აიმერა, სამეცნიერო და საჯარო საზოგადოების აღმასრულებელი დირექტორი და პრეზიდენტი. ახალგაზრდა ქალები ტექნოლოგიებს მათთვის მნიშვნელოვანი ამოცანების გადასაწყვეტად იყენებენ, იქნება ეს გაძლიერებული კვებითი ღირებულების მქონე ბრინჯის შემუშავება თუ ყაისნაღით ქსოვის ტექნიკის გამოყენება სხეულზე სატარებელი „ბლუთუსის“ მოწყობილობის შესაქმნელად. ასეთი დამწყები მეცნიერებისთვის „ყველაფერი სხვაგვარად იქნება“, – ამბობს აიმერა.

კლაუდია კალბი ლეონარდო და ვინჩის შესახებ 2019 წლის მაისში გამოქვეყნებული სტატიის ავტორია.

სრული ვერსია წაიკითხეთ ნოემბრის ნომერში.