თქვენ სარგებლობთ ბრაუზერის ძალიან ძველი ვერსიით, რის გამოც ჩვენი ვებგვერდი შესაძლოა სრულად ვერ ჩამოიტვირთოს.
გირჩევთ, განაახლოთ ბრაუზერი.

გამოწერა
დონაცია
მენიუ
ზამთარში ჯავახეთის ტბების 90% იყინება. წყლის ზედაპირზე არსებული ყინულის ფენა ფრინველებს აიძულებს, ჩრდილოეთიდან აღებული გეზი უფრო სამხრეთით გააგრძელონ ან სხვა ტბებზე გადაინაცვლონ.

ჯავახეთს ფრინველები

მიგრანტი ფრინველები ზამთრის მკაცრი კლიმატისგან გასაქცევად, ჩრდილოეთიდან სამხრეთისკენ დიდ და რთულ მოგზაურობას ზაფხულის მიწურულს იწყებენ, ზამთრის დასასრულს კი უკან ბრუნდებიან

ტექსტი: სოფო აფციაური
  • email icon
  • link icon ბმული კოპირებულია

რუბრიკა: ვიდეოები

მსოფლიოში არსებული 10 ათასამდე ცნობილი ფრინველის სახეობის თითქმის 20% რეგულარულად მიგრირებს. ჯავახეთის ზეგნის ტბები წყალმცურავი ფრინველებისთვის მნიშვნელოვანი დასასვენებელი და საკვები ადგილია.
მიგრანტი ფრინველები ზამთრის მკაცრი კლიმატისგან გასაქცევად, ჩრდილოეთიდან სამხრეთისკენ დიდ და რთულ მოგზაურობას ზაფხულის მიწურულს იწყებენ, ზამთრის დასასრულს კი უკან ბრუნდებიან.
მიგრაცია ნებისმიერი სახეობისთვის საკმაოდ სტრესული – ფიზიკურად და ემოციურად დამღლელი – პროცესია. გზის ხანგრძლივობის თანმდევი ამინდის გაუარესება და საკვების მოპოვების სირთულეები მათ სიცოცხლეს ხშირად საფრთხეს უქმნის.

გააზიარეთ ფოტო
link icon

    ოლოლი, იგივე ყურებიანი ბუ (Asio otus) საქართველოს ტერიტორიაზე ბინადრობს დაბლობისა და მთის მაღალხეებიან ტყეებში და თაგვისებრი მღრღნელებითა და მწერებით იკვებება.

    მკვლევარი ზურაბ ჯავახიშვილი ჯავახეთის ტბებზე კოლეგებთან ერთად ყოველ წელს ასობით ფრინველს რგოლავს. დარგოლვა ფრინველთა სამიგრაციო მარშრუტების დადგენის ერთ-ერთი მეთოდია.

    მსოფლიოში მიგრაციის დროს ფრინველთა დასასვენებელი და საკვები რამდენიმე მნიშვნელოვანი ადგილი არსებობს, სადაც ყოველ სეზონზე გადამფრენი ფრინველების დიდი რაოდენობა იყრის თავს. ასეთ ადგილებს ფრინველები უსაფრთხოების, გეოგრაფიულად კომფორტული გარემოსა და საკვების არსებობის გამო ირჩევენ. საქართველო ამ მხრივ, საერთაშორისო თვალსაზრისით, უმნიშვნელოვანესი გეოგრაფიული არეალია. აღმოსავლეთ შავი ზღვის სამიგრაციო დერეფანი („ბათუმის ძაბრი”), სტეფანწმინდა, ვაშლოვნის დაცული ტერიტორიები, მდინარე ალაზნისა და ივრის ქვემო წელი და ჯავახეთის ზეგანი – ფრინველების დასვენებისთვის და კვებისთვის “მდიდარი” ტერიტორიებია. ჯავახეთის დაცული ტერიტორია (16200 ჰა) წყალმუცურავებისთვის ნამდვილი სამოთხეა. ამ ფრინველებიდან ბევრი გადაშენების პირას მყოფი სახეობაა და საქართველოსა და საერთაშორისო (IUCN) “წითელ ნუსხაშია” შეტანილი.

    რუკა: ფრინველთა მიგრაციის მთავარი მარშრუტი საქართველოში
    ვიდეო მომზადებულია National Geographic საქართველოს და GIZ-ის თანამშრომლობის ფარგლებში:
    რეჟისორი – გიორგი გაფრინდაშვილი (Omedia)
    ოპერატორი – ლევან ლეკიაშვილი
    მონტაჟი – გიორგი გაფრინდაშვილი (Omedia)
    დრონის და ვარხვის ახლო კადრი – EcoFilms
    მუსიკა – Newittmusic

    ასევე წაიკითხეთ