მომაკვდინებელი დაავადების ნიშნები

ყოველდღიურად ასობით ქალი იღუპება ფეხმძიმობისა და მშობიარობისას. ეს სტატისტიკა, რომელსაც ჯანდაცვის მსოფლიო ორგანიზაცია „მიუღებლად მაღლად“ მიიჩნევს, სხვადასხვა ერების პრობლემებზე მიუთითებს, რამდენად განვითარებულებიც უნდა იყვნენ ისინი. აშშ-ში ფეხმძიმობასთან დაკავშირებული სიკვდილიანობა ბოლო ორ ათწლეულში მკვეთრად გაიზარდა.

ამის მთავარი მიზეზი გულ-სისხლძარღვთა გართულება – პრეეკლამფსიაა. მისი მორჩენა შესაძლებელია, მაგრამ ყოვლწლიურად მაინც დიდი რაოდენობით დედის გარდაცვალებას იწვევს. ის დედათა და ჩვილთა სიკვდილიანობის უპირველესი მიზეზია მსოფლიო მასშტაბით, ამბობს სუჩიტა ნადკარნი, ლონდონის დედოფალ მერის სახელობის უნივერსიტეტის იმუნოლოგი. მისი კვლევის მიზანი დაავადების ადრეული ნიშნების პოვნაა.

პრეეკლამფსიის ადრეული აღმოჩენისათვის ნადკარნი პლაცენტას სწავლობს თაგვებში.

„ფეხმძიმობა ისეთი უცნაური და მშვენიერი რამაა“, ამბობს ის, „თუ შევძლებთ გავარკვიოთ, როგორ მუშაობს იმუნური სისტემა ამ დროს, შევძლებთ ვიკითხოთ, რატომ არ მუშაობს ის პრეეკლამფსიისას“.