ბულგარელ ფოტოგრაფ გეორგი გეორგიევს ბალკანეთის თვალუწვდენელ მთებში ობიექტივის ფოკუსი რაღაც ძალიან პატარაზე აქვს გასწორებული. ყვითელი ყვავილის უკან ყვითელი ობობა იმალება. მათი ერთნაირი შეფერილობა დამთხვევა სულაც არაა – კიბორჩხალასებრი ყვავილის ობობა კამუფლაჟის ოსტატია. ის ერწყმის გარემოს, რათა ნადავლს ჩაუსაფრდეს.

გეორგიევის ფოტოგრაფია ასახავს პლანეტის ერთ-ერთ ყველაზე პატარა ბინადართა მრავალფეროვან ცხოვრებას. ერთ ფოტოზე ჭიანჭველა მიწის ციცაბო ბორცვზე მიცოცავს, მეორეში ჭიამაია ბალახზე არსებული ცვრის წვეთიდან სვამს წყალს. „რაც უფრო პატარები არიან, მათი ცხოვრება ჩემთვის უფრო იდუმალი და საინტერესოა“, – ამბობს გეორგიევი. ის ყოველთვის რაღაც ახალს ამჩნევს.

• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა

მინაწერის გახსნა

გააზიარეთ ფოტო

• 
• 
• 
• 

მინაწერის გახსნა

„ხედავ მათ ქცევებს, როგორ იკვებებიან, როგორ მრავლდებიან, როგორ იბრძვიან გადარჩენისთვის“, – ამბობს იგი. მას უნახავს, როგორ ქმნიან შეწყვილების დროს ნემსიყლაპიები გულის ფორმას. უნახავს ჭიანჭველების ერთ გუნდად მუშაობა ნადავლის რამდენიმე წუთში დასანაწევრებლად. „მათი სამყარო იმდენადვე ლამაზია, რამდენადაც სახიფათო… ამ პაწაწინა ცხოველების ყოველი დღე გადარჩენისთვის ბრძოლაა“. მწერები პლანეტის სიჯანსაღისთვის სასიცოცხლოდ მნიშვნელოვანნი არიან და გლობალური კვებითი ჯაჭვის საფუძველს წარმოადგენენ. ისინი ნიადაგს ანოყიერებენ და მტვერავენ მცენარეებს, თუმცა კლიმატის ცვლილება, პესტიციდები და ჰაბიტატის დაკარგვა საფრთხეს უქმნის ამ არსებებს. მწერების რაოდენობა მკვეთრად მცირდება. განათლებით ეკოლოგმა გეორგიევმა ზუსტად იცის, რა საფრთხის წინაშე იმყოფებიან მის ობიექტივში მოხვედრილი არსებები, მაგრამ თავიანთ ჰაბიტატებში ლაღად მოფუსფუსე მწერების გადაღება სიმშვიდეს ჰგვრის.

ეწვიეთ მწერების პაწაწინა, მომხიბვლელ და სახიფათო სამყაროს. დოკუმენტური სერიალი A Real Bug’s Life, ახლა Disney+-სა და Hulu-ზე გადის. შეუერთდით ჭიანჭველების ჯარს კოსტა-რიკის ჯუნგლებში. მიჰყევით ბრინჯის მარცვალზე პატარა ხტუნია ობობებს ავსტრალიის ბუშში. თანამედროვე კამერების დახმარებით, National Geographic-ის ეს ფილმი სამყაროს ყველაზე პატარა არსებების გადასახედიდან გაჩვენებთ.