ნომერში შენი ხეა

არსებობს უამრავი მიზეზი თუ რატომ უნდა დარგო ხე.

არსებობს ასევე უამრავი მიზეზი, რატომაც ხის დარგვას ყველა ვერ ახერხებს.

თანამედროვე ტექნოლოგიები საგრძნობლად ამცირებს ამ მიზეზების რაოდენობას.

ჟურნალი „National Geographic საქართველო“ და კომპანია „Treepex“ თითოეულ ადამიანს აძლევს საშუალებას თავისი წვლილი შეიტანოს პლანეტის გამწვანებაში.

უბრალოდ გახდით ეროვნული გეოგრაფიული საზოგადოების წევრი დეკემბრის თვეში, მიიღეთ ჟურნალი და მასში არსებული Treepex-ის უნიკალური QR კოდი და თქვენს სახელზე ხე დაირგვება.

ამ ეტაპზე დარგვითი ღონისძიებები მიმდინარეობას შემდეგ ადგილებზე: ბორჯომ-ბაკურიანის სატყეო უბანი, აჯამეთის დაცული ტერიტორია და თბილისის ეროვნული პარკი.

ხეები ძირითადად დაირგვება იქ, სადაც ისეთი ქართული სახეობების აღდგენის პროცესი მიმდინარეობს, როგორებიცაა: კავკასიური ფიჭვი და ქართული მუხა. თითოეულ დარგულ ხესთან განთავსდება ინფორმაცია დამრგველის ვინაობის და ზუსტი მდებარეობის (GPS) შესახებ. ეს მონაცემები სახელობითი ხის ავტორს ელ. ფოსტის მეშვეობით გაეგზავნება და სურვილის შემთხვევაში მას ნებისმიერ დროს შეეძლება დაცული ტერიტორიის და ხის მონახულება.

გამოიყენეთ ეს უნიკალური შესაძლებლობა, დატკბით ნაბეჭდი ჟურნალის ესთეტიკური ღირებულებით, რომელიც 130 წლის განმავლობაში ავრცელებს ცოდნას პლანეტის შესახებ, 100 ზე მეტ ქვეყანაში გამოიცემა და 60 მილიონზე მეტი მკითხველი ჰყავს და ამავე დროს შეიტანეთ მოკრძალებული წვლილი იმ უმნიშვნელოვანეს საქმეში, რასაც გარემოს გამწვანება ჰქვია.