ოსტატური წრე

ეინდჰოვენის წრიული ველოტრასა – ასეთია ჰოლანდიური ქალაქის პასუხი საგზაო საცობებზე. რეგიონის მთელი ტრანსპორტის მეოთხედი ველოსიპედებზე მოდის და საცობებს ველოსიპედებიც ქმნიან, განსაკუთრებით ყველაზე გადატვირთულ ავტომაგისტრალზე – A2-ზე. შარშან ივნისში გახსნილი ხიდი მოსახლეობას მგზავრობის ალტერნატივას სთავაზობს.

ერთსაყრდენიანი ბაგირებიანი ხიდით მგზავრს ნებისმიერი მიმართულებით შეუძლია წასვლა, – ამბობს ერთ-ერთი დამპროექტებელი ადრიან კოკი. შიდა რკალზე ჩამწკრივებული საპირწონეები ჰაერში მოლივლივე ხიდს სიმტკიცეს ანიჭებს, ამიტომ ადგილობრივ მცხოვრებლებს აქ გადაადგილება ყოველთვის შეუძლიათ, „მიუხედავად იმისა, რომ ჰოლანდიაში სულ ქარიანი ამინდია“, – ამბობს პიტერ ტერმეერი, აქაური მცხოვრები. ქვეყნის ამ ერთ-ერთ ყველაზე დატვირთულ ველოტრასაზე ყოველდღიურად 5000 ველოსიპედი გადაადგილდება, ქვევით კი 25 000 ავტომობილი მოძრაობს. საცობი განტვირთულია.