პარიზის ურინული მხარე

ფრანგული სამზარეულოსა და მაღალი მოდის გარდა, პარიზს კიდევ ერთი, დიდი ხნისა და გაცილებით ნაკლებად სასიამოვნო ტრადიცია აქვს – ქალაქი ნაპოლეონის დროიდან les pipis sauvages-ს, ანუ „ველურად მოშარდვის“ პრობლემას ებრძვის. საზოგადოებრივ ადგილებში მოშარდვის პრაქტიკა ფართოდაა გავრცელებული.

რა უნდა მოიმოქმედოს ქალაქმა? – საზოგადოებრივი დანაშაული საზოგადოების საკეთილდღეოდ მიმართოს. პრობლემის მოსაგვარებლად, ხელისუფლების წარმომადგენლები ფრანგულ დიზაინერულ კომპანია Faltazi-ს დაუკავშირდნენ, რომელსაც ახალი იდეა აქვს: ე.წ. „ურინტროტუარი“ (ტროტუარის პისუარი), რომელშიც მოთავსებულია სუნის შთანმთქმელი თივა ან ნახერხი. გავსების შემდეგ, შიგთავსს კომპოსტად გადაამუშავებენ, რომელიც ყვავილების სასუქად გამოიყენება.

ამჟამად ურინტროტუარი პარიზის სადგურ Gare de Lyon-სა და საფრანგეთის ორ ქალაქში ტესტირებას გადის. დანადგარები იაფი არაა, საწყისი ფასი 5000 დოლარია. ამას ემატება მოვლის ხარჯი და თან, მან შეიძლება საზოგადოებრივ ადგილებში მოშარდვის შემთხვევები გაზარდოს კიდეც და არა, პირიქით. მაგრამ, ხომ შეიძლება, მისი წყალობით პარიზის ქუჩებში ახალი პურის სუნი დატრიალდეს და არა შარდის? – Mais oui.