პორტრეტები ფხენიანიდან
ნუთუ შეძლებს ფოტოგრაფი ინდივიდუალობის დაჭერას ჩრდილოეთ კორეაში,
სადაც ქცევა მკაცრად კონტროლდება?
პორტრეტები ფხენიანიდან
ნუთუ შეძლებს ფოტოგრაფი ინდივიდუალობის დაჭერას ჩრდილოეთ კორეაში, სადაც ქცევა მკაცრად კონტროლდება?
-
-
-
-
ბმული კოპირებულია
ქვეყანაში, სადაც ერთგვაროვნებას მოითხოვენ, პორტრეტი რევოლუციურია.
ჩრდილოეთ კორეაში 25 მილიონი ადამიანი ცხოვრობს, თუმცა მხოლოდ ლიდერების პორტრეტებია გასაჯაროებული. ჩვეულებრივ, ადამიანებს მხოლოდ დიდ ჯგუფებად იღებენ, საკუთარ ქორწილშიც კი.
2017 წელს ფრანგი ფოტოგრაფი, სტეფან გლადიე ჩრდილოეთ კორეაში მოქალაქეების ინდივიდუალიზმის აღმოსაჩენად ჩავიდა. ქარხნებსა და ფერმებში ყველაზე სუფთა მუშები გამოუყვანეს. „სიგიჟეს ჩავდიოდი, ადამიანებს მარტო დადგომას ვთხოვდი“, მოგვითხრობს გლადიე. ამას გამუდმებით ახსენებდნენ თანმხლებნი, რომლებმაც მოსანახულებელი ადგილები შეურჩიეს. ობიექტებს თავად ირჩევდა, თუმცა გამყოლის თქმით, კანდიდატები ხშირად უშნოები, მოხუცები და მოუწესრიგებელნი იყვნენ.
სასურსათო ქარხანაში დასაქმებულებს შეუძლიათ სახურავზე ცურვა, კალათბურთის თამაში და საუნაში მოსვენება. წარმოდგენილია ჯილდოც, რომელიც ქარხანამ ჩრდილოეთ კორეის სპორტსმენების საკვებით მომარაგებისთვის მიიღო.
სტუდენტები გასართობ ცენტრ „ოქროს ბილიკში“ ბოულინგს თამაშობენ. სათამაშო აპარატები და ბარით აღჭურვილი მოედანი საკმაოდ მიმზიდველი ადგილია ტურისტებისთვის.
ოფისის ორი თანამშრომელი პარტიის მონუმენტის წინ დგას ფხენიანში. ჩაქუჩი, ნამგალი და კალიგრაფიული ფუნჯი მუშებს, ფერმერებსა და ინტელექტუალებს წარმოადგენს.
ექიმი ქალს სინჯავს, რომელიც საფეიქრო ფაბრიკაში მუშაობს, აქ დასაქმებული 10 000 ადამიანიდან უმეტესობა ქალია. 2017 წლამდე, სანამ გაერო სანქციებს დააწესებდა, ტექსტილის ექსპორტი ყველაზე მომგებიანი იყო.
სასურსათო ქარხანაში დასაქმებულებს შეუძლიათ სახურავზე ცურვა, კალათბურთის თამაში და საუნაში მოსვენება. წარმოდგენილია ჯილდოც, რომელიც ქარხანამ ჩრდილოეთ კორეის სპორტსმენების საკვებით მომარაგებისთვის მიიღო.
სტუდენტები გასართობ ცენტრ „ოქროს ბილიკში“ ბოულინგს თამაშობენ. სათამაშო აპარატები და ბარით აღჭურვილი მოედანი საკმაოდ მიმზიდველი ადგილია ტურისტებისთვის.
ოფისის ორი თანამშრომელი პარტიის მონუმენტის წინ დგას ფხენიანში. ჩაქუჩი, ნამგალი და კალიგრაფიული ფუნჯი მუშებს, ფერმერებსა და ინტელექტუალებს წარმოადგენს.
ექიმი ქალს სინჯავს, რომელიც საფეიქრო ფაბრიკაში მუშაობს, აქ დასაქმებული 10 000 ადამიანიდან უმეტესობა ქალია. 2017 წლამდე, სანამ გაერო სანქციებს დააწესებდა, ტექსტილის ექსპორტი ყველაზე მომგებიანი იყო.
ცალ-ცალკე თითოეული პორტრეტი ავტორიტარული რეჟიმის პროპაგანდა გეგონებოდათ. ერთობაში კი, შემაშფოთებელი ერთგვაროვნება იკვეთება. დაკნინება სწორედ ამ მსგავსებაშია, ამბობს ფოტოგრაფი. „ექსკურსიამძღოლები ვერ ხედავდნენ იმას, რასაც მე ვხედავდი“, აღნიშნავს გლადიე. „შორს არიან, განსხვავებულ სამყაროში“.
