ქალი ''ქუხნაში''

ქალი “ქუხნაში” ვიცი მე… მიუხედავად იმისა, რომ ჯულიენ ჰეკემბურგ ბრაიანს (1899 – 1974 წწ.) მსოფლიო პროფესიონალთა წრეები იცნობენ, როგორც ძალიან მნიშვნელოვან ფიგურას ფოტოგრაფიასა და კინოდოკუმენტალისტიკაში, მის შესახებ საქართველოში ცოტას თუ გაუგია. არადა, 1933 წელს National Geographic-მა სწორედ ჯულიენი მოავლინა საქართველოს სხვადასხვა კუთხეში ფოტოსესიებისთვის. National Geographic-ის მდიდარ არქივში ჯულიენ ბრაიანის ბევრი საინტერესო ფოტოა საქართველოზე. თუმცა, დღეს, 2014 წლის ივლისში, ძალადობის ასეთი მძიმე სტატისტიკის ფონზე, სწორედ ეს ფოტო შევარჩიეთ არა მარტო, როგორც ხელოვნების ნიმუში, არამედ, როგორც ჩვენი ბოლო ასწლეულის სამწუხარო სიმბოლო: ქალი შრომობს, კაცი ჩაგრავს. ჯულიენის ხელით გაკეთებული ფოტომინაწერი გვამცნობს: „ხევსურეთში ქალები და პატარა გოგონები მძიმე სამუშაოს ასრულებენ. იშვიათად მათ მამაკაცებიც ეხმარებიან, რადგან კაცურ საქმედ ბრძოლა მიაჩნიათ“