ქართული შრიფტის იტალიკ ვერსია
ნიკო ნიკოლაძე თვლიდა, რომ ქართული ასონიშ-ნების ლათინურ სიმბოლოებთან ვიზუალური დაახლოება იყო საჭირო
ცნობილი საზოგადო მოღვაწე ნიკო ნიკოლაძე დასავლეთ ევროპიდან ახალი ხედვითა და იდეებით აღსავსე მე-19 საუკუნის 70-იანი წლების დასაწყისში დაბრუნდა საქართველოში. მიუხედავად იმისა, რომ მისი პროექტები ძირითადად ურბანულ ხასიათს ატარებდა, ერთ-ერთი იდეა ქართული შრიფტის განვითარებას ეხებოდა. ნიკო ნიკოლაძე თვლიდა, რომ ქართული ასონიშ-ნების ლათინურ სიმბოლოებთან ვიზუალური დაახლოება იყო საჭირო. თუმცა, მისმა იდეამ მაშინდელი ქართული სტამბის მესვეურთა შორის მხარდაჭერა ვერ ჰპოვა. რამდენიმე ათეული წლის შემდეგ, მსგავსი ინოვაციური იდეა ნიკო ნიკოლაძის შვილმა – გიორგი ნიკოლაძემ განავითარა. მან ლათინური შრიფტების პროპორციის დაცვით, შექმნა ქართული ასოები, ისე, რომ გრაფემის ბუნებრიობა არ დარღვეულიყო. ასევე, შექმნა პირველი italic შრიფტის დიზაინი, რომელიც ქართული სტამბებისთვის სრულიად უცხო აღმოჩნდა. მაშინ ამ სიახლეს ლათინურის მი-ბაძვა დაარქვეს და მალევე დაივიწყეს. დღეს ეს შრიფტი ერთ-ერთი საუკეთესოა და თანამედროვე დიზაინის ნიმუშად ითვლება.