ვინ:
ვახო ჯანჯღავა 32 წლის, ხონის რაიონი, სოფელი კონტუათი, ფოტოგრაფი, მხატვარი
სად:
ხონის რაიონი, სოფელი კონტუათი
რა:
Nikon D600 ლინზა Nikkor 35mm f1.8G
ამბავი:
ვენერა ბებო ხონის ერთ-ერთი ლამაზი სოფლიდან, საფილიოდანაა. 8 ათეული წელი მან ამ მთიან სოფელში გაატარა, მაგრამ ამჟამად ბარად მოუწია ჩამოსვლა. მთაში მარტო ყოფნა სამედიცინო მომსახურების გარეშე ასაკის მატებასთან ერთად გაუსაძლისი ხდება. იგი ბარად აგრძელებს იმას, რასაც მთაში აკეთებდა. თონის პურის ცხობა ქართული ტრადიციული ყოფის ერთ-ერთი განუყოფელი ნაწილია. იგი ამზადებს ერთი დღის სამყოფ ცომს ოჯახისთვის პურის გამოსაცხობად, ცეცხლს ანთებს თონეში და თიხის კედლებს მაგრად ახურებს. როდესაც ცეცხლი ნაკვერჩხლებად იქცევა, ცომს აკრავს და რამდენიმე წუთში შოთის პურები მზადაა. ფოტოზე აღბეჭდილია თონიდან პურების ამოღების პროცესი.
გახდი National Geographic საქართველოს YourShot-ის ნაწილი და გააზიარე შენი კადრი yourshot.natgeo.ge