რომაელთა ნადიმი
პომპეიში, ჰერკულანუმის საკანალიზაციო მილში, არქეოლოგებმა ქალაქის მაცხოვრებელთა რაციონში 144 სხვადასხვა საკვების იდენტიფიცირება მოახერხეს
ხოხბის პუდინგი, სირაქლემას ჩაშუშული, შემწვარი ფლამინგო – ძველი რომიდან შემორჩენილი რეცეპტები. შესაძლოა, ამგვარ დელიკატესებს მხოლოდ წვეულებებზე მიირთმევდნენ. არქეოლოგების აზრით, ეგზოტიკური სადილები მაშინ იშვიათად იმართებოდა. რომაელები, ძირითადად, ადგილობრივ საკვებს ეტანებოდნენ.
პომპეიში, ჰერკულანუმის საკანალიზაციო მილში, არქეოლოგებმა ქალაქის მაცხოვრებელთა რაციონში 144 სხვადასხვა საკვების იდენტიფიცირება მოახერხეს, აქედან მხოლოდ თევზი – 45 სახეობის.
მაიკლ მაკკინონი (ვინიპეგის უნივერსიტეტი) პომპეის ნანგრევებში რომაელთა საყვარელი კერძის – ღორის ხორცის ნარჩენებს სწავლობდა. მას მიირთმევდა მდიდარიც და ღარიბიც. „ღორის ხორცი ორივეს ექნებოდა, თუმცა მდიდარს ალბათ უფრო ძვირადღირებული სანელებლებით შეზავებული“.