საკვები ნარჩენები მოდაში

ეკოლოგიაზე მზრუნველი დიზაინერების რაოდენობა სულ უფრო იზრდება და საკვები ნარჩენების მართვაც შედარებით გონივრულად მიმდინარეობს.

დიზაინერი საშა ლორინი მასალად გადამუშავებულ, ფერმენტირებულ ჩაის, კომბუჩას იყენებს. გაშრობის შემდეგ მასალა ტყავის შემცვლელად იქცევა და ლორინიც მოდურ სამოსს ქმნის. სიცილიაში გადაყრილ ციტრუსის კანსა და კურკებს აბრეშუმისმაგვარი ძაფის გამოსაყვანად იყენებენ. ხოლო ერთი ლონდონური კომპანია ანანასის მწარმოებელ ფილიპინელ ფერმერებს ეხმარება, რომ გამოუყენებელი ფოთლები აქციონ ქსოვილად, რომლითაც ხელჩანთები, ფეხსაცმელები და ლეპტოპის ჩანთებიც კი შეიკერება.

გაერთიანებული ერების საკვებისა და სოფლის მეურნეობის ორგანიზაციის კვლევით, ყოველწლიურად, მსოფლიოში მილიარდ ტონაზე მეტი საკვები ნარჩენია. ლიდსის უნივერსიტეტის ტექსტილის ქიმიკოსის, რიჩარდ ბლექბერნის თქმით, ეს მდგრადი ქსოვილების გამოყვანის შესაძლებლობას ქმნის.

კომბუჩას სამოსი ჯერ გაყიდვაში არ არის. ავსტრალიელი ბიოქიმიკოსი პიტერ მასკი ამ მცენარეზე ხელოვნების სტუდენტებთან ერთად მუშაობს. თუ გაუმართლათ, ის მალე თქვენს გარდერობში მოხვდება.