შეცვლიან თუ არა ბაიტები საფლავის ქვებს?

ქეითი თორნტონი სიკვდილზე დიდი ხანია ფიქრობს. შთამომავლობისთვის ისტორიის შენარჩუნების მიზნით, სასაფლაოების ისტორიკოსმა შეისწავლა ეპიტაფიები და გამოიკვლია თავისი მშობლიური ქალაქის – მინეაპოლისის სასაფლაოს „ბინადრები“. „ადამიანები მთელ მსოფლიოში ფიქრობენ იმის შესახებ, არის თუ არა სწორი ისედაც მწირი მიწის სასაფლაოებისთვის გამოყენება. თანაც, სასაფლაოებზე დამარხული ისტორიები შეიძლება სამუდამოდ დაიკარგოს“, – ამბობს Fulbright-National Geographic-ის ციფრული ჟურნალისტიკის ასპირანტი, თუმცა, გამოსავალი, შესაძლოა, თანამედროვე ტექნოლოგია იყოს. თორნტონი ახალი პოდკასტის წამოწყებას აპირებს, „სიკვდილი ციფრულ ეპოქაში“ იმისთვის, რომ შევისწავლოთ, თუ როგორ ცვლის გლობალური ურბანიზაცია და ციფრული დოკუმენტირების აღზევება გარდაცვლილების ხსოვნის წეს- ჩვეულებებს.