ნიუფაუნდლენდის სანაპიროზე, ჩრდილოეთ ამერიკის უკიდურეს აღმოსავლეთ წერტილთან ახლოს, ერთი კლდოვანი კონცხია, რომელსაც მისტეიკენ-პოინტს (მცდარ წერტილს) უწოდებენ. ეს ადგილი წარმოადგენს საკვირველი ინფორმაციის ერთობლიობას, რომელიც დედამიწაზე სიცოცხლის ერთ-ერთი ყველაზე ღრმა და ამოუცნობი საიდუმლოს ამოხსნაში გვეხმარება. სამი მილიარდი წლის განმავლობაში პაწაწინა, უმეტესწილად ერთუჯრედიანი ქმნილებების ფუსფუსის შემდეგ როგორ მოხდა, რომ სიცოცხლე უეცრად კომპლექსური – მრავალუჯრედიანი, დიდი ზომის და განსაცვიფრებელი ორგანიზმების უხვ ნაირსახეობად გარდაიქმნა? სიცოცხლის ამ ახალმა ფორმებმა მთელ მსოფლიოში გავრცელება არანაკლებ 570 მილიონი წლის წინ დაიწყო, თუმცა მათი არსებობის ყველაზე ადრეული კვალი დედამიწის ერთ წერტილში – მისტეიკენ-პოინტზეა ნაპოვნი.

სამ მილიარდ წელიწადზე მეტი დედამიწაზე ერთუჯრედიანი და მარტივი მრავალუჯრედიანი ორგანიზმები ბატონობდნენ. 635 მილიონი წლის წინ – გამყინვარებების ხანგრძლივი პერიოდების შემდეგ – ყინული გადნა და ჟანგბადის რაოდენობამ გარდამტეხ ზღვარს მიაღწია, რომელმაც უფრო კომპლექსური მრავალუჯრედიანი სიცოცხლის განვითარება გახადა შესაძლებელი. ჩვენთვის ცნობილმა ცხოველთა სამყარომ სწორედ კამბრიულ პერიოდში იფეთქა. მოზრდილი, მრავალუჯრედიანი სიცოცხლის ყველაზე ადრეული ნაშთი 570 მლნ. წლის წინანდელია.

გენეტიკური კვლევები იმაზე მიუთითებს, რომ სიცოცხლის რთული ფორმები კიდევ უფრო ადრე არსებობდა.

სრული ვერსია წაიკითხეთ მარტის ნომერში.