სიმშვიდის მოპოვება
იოგას უძველესი პრაქტიკა როგორც თანამედროვე სტრესის მკურნალი


სიმშვიდის მოპოვება
იოგას უძველესი პრაქტიკა როგორც თანამედროვე სტრესის მკურნალი
25 წელზე მეტი გავიდა, რაც მოსამართლე ელენი დერკემ იოგა აღმოაჩინა. კრონის დაავადების თანმდევი მუცლის ტკივილები სტანჯავდა და ექიმი ოპერაციის გაკეთებას ურჩევდა. ქირურგიული ჩარევის თავიდან არიდების იმედით იოგას ოსტატ ნათესავს მიაკითხა, რომელმაც ინვერსიულ, თავდაყირა პოზებს აზიარა. ამბობენ, რომ ისინი სხეულს ტოქსინებისგან წმენდს, თუმცა ეს მოსაზრება მეცნიერულად დადასტურებული არაა. დერკეს სიმპტომები მალევე აულაგდა. მისი თქმით, იოგამ გადაარჩინა.
დღეს თვითონაც იოგას ასწავლის და სასამართლოს გაზონზეც ატარებს ხოლმე გაკვეთილს. ზოგჯერ შესვენებას აცხადებს და მსაჯულებს გაწელვითი და სუნთქვითი ვარჯიშებისკენ მოუწოდებს. თუმცა, იურისტთა წრეებში უფრო იმ მოსამართლის სახელით იცნობენ, რომელიც მსჯავრდებულებს გისოსებს მიღმა იოგას უსჯის.

დერკე შედარებით მსუბუქ კანონდარღვევებზე მუშაობს – წვრილმანი ქურდობა, მცირე რაოდენობით ნარკოტიკის შენახვა, არაფხიზელ მდგომარეობაში მანქანის მართვა და მსგავსი რამეები – რომლებზეც ერთ წლამდე პატიმრობაა გათვალისწინებული. დამნაშავეებს სასჯელის 40 და მეტი პროცენტით შემოკლება შეუძლიათ, თუ ყოველკვირეულ პროგრამაში Yoga 4 Change („იოგა ცვლილებისთვის“) ჩაერთვებიან. დერკეს აზრით, იოგა შინაგან კონფლიქტს ახშობს და სალბუნად ედება იმ ბრაზს, შიშს, სულიერ ტკივილსა თუ აკვიატებებს, რომლებიც ცუდი საქციელის ჩადენისკენ გვიბიძგებს.

„დაძაბულობას რომ იხსნი“, – ამბობს იგი, – „დადებითი ემოციებისთვის ადგილი თავისუფლდება“. ჯექსონვილის სამ სხვადასხვა საპატიმროში ჩატარებული პროგრამის შეფასებამ აჩვენა, რომ ექვსი კვირის შემდეგ მონაწილეებს ძილი, ზოგადი ჯანმრთელობა და ბრაზისა თუ შფოთვის მართვის უნარი საგრძნობლად გამოუკეთდათ.
ერთ-ერთმა პატიმარმა სესილ რედიკმაც არ გაუშვა ხელიდან ნაადრევი გათავისუფლების შესაძლებლობა და თვითონაც სახტად დარჩა, რადგან გაკვეთილებმა მოადუნეს, მტკივანი ზურგი დაუამეს და მასში ისეთი განცდა აღძრეს, რომელსაც არ იცნობდა: სიმშვიდე.
ფრენ სმითს ჟურნალისათვის პერსონალიზებული მედიცინისა და დამოკიდებულების მეცნიერების შესახებ აქვს სტატიები დაწერილი. ენდი რიხტერი იოგას მიმდევარია და დისციპლინის ამსახველი კადრები გადაიღო თავისი წიგნისთვის „გველი ველურ ბუნებაში“.
სრული ვერსია წაიკითხეთ იანვრის ნომერში.