სიმსივნესთან მებრძოლები

სიმსივნის თანამედროვე მაღალტექნოლოგიური წამლები საუკუნის წინანდელ იდეას – სხეულის იმუნური სისტემის სიმსივნის წინააღმდეგ გამოყენებას – ეფუძნება. 1891 წელს ნიუ-იორკელმა ქირურგმა უილიამ კოულიმ შეამჩნია, რომ სიმსივნის გარკვეული სახეობები ქრებოდა მას შემდეგ, რაც პაციენტებს ინფექცია შეეჭრებოდათ. მან ბაქტერიები სპეციალურად შეყარა პაციენტს, რომელიც კისრის სიმსივნით იყო დაავადებული, რის შემდეგაც სიმსივნემ დაპატარავება დაიწყო.

მეცნიერებმა დაადგინეს, რომ ინფექციას იმუნური სისტემის გაღიზიანება შეუძლია, რაც T-უჯრედების გამოფრქვევას იწვევს, რომლებიც ეძებენ და კლავენ უცხო სხეულებს სიმსივნის უჯრედების ჩათვლით. ზოგიერთი მეთოდი იმუნური სისტემის შემაკავებელ მექანიზმებს ხსნის მუხრუჭებს, ზოგიერთი კი აჩქარებს მას ან მოლეკულურ და უჯრედულ წინაღობებს აშორებს, ამბობს ელფრიდე ნიოსნერი, სიმსივნის მკვლევარი მიუნხენის ჯანმრთელობაზე გარემოს ზემოქმედების კვლევითი ცენტრიდან. მან T-უჯრედები დამატებითი მოლეკულით შეაიარაღა, რომელიც სიმსივნის უჯრედების მიმართ მათ რეაქციას აძლიერებს და სიმსივნის შიგნით აქტიურდება.