სტივ რამირესი

კოლეჯში სტივ რამირესს სხვადასხვა საგანი იტაცებდა. ამის გამო პროფესიის არჩევა გაუჭირდა და, როგორც ამბობს, ერთ ეშმაკობას მიმართა: ის შეისწავლიდა ტვინს, „რომელიც შეიმეცნებდა ყველა სფეროს, რაც კი ამ სამყაროში რეალიზებულა. მეხსიერების ნეირომეცნიერების შემსწავლელ ლაბორატორიაში მუშაობის დაწყების შემდეგ აღმოაჩინა, რომ თითოეული განცდა ტვინში ფიზიკურ ანაბეჭდებს ტოვებს. ეს მოგონებებია და მათი კვლევა და შეცვლაც კი არის შესაძლებელი. „ამ იდეამ მომაჯადოვა, ამბობს სტივი.

ამჟამად რამირესი ბოსტონის უნივერსიტეტში ლაბორატორიას ხელმძღვანელობს, რომელშიც მან ცუდი მოგონებების ჩახშობის გზას მიაკვლია. თავის გუნდთან ერთად იგი თაგვების მეხსიერებასთან დაკავშირებულ ტვინის უჯრედებს გენეტიკურ მოდიფიკაციას უკეთებს. ამ უჯრედების გათიშვა ცუდ მოგონებას მიუღწევადს გახდიდა ან შესაძლებელი იქნებოდა მის მაგივრად კარგი მოგონების ჩაწერა.

რამირესი ადამიანებში მოგონებების მანიპულაციისთვის ამდაგვარი „გენეტიკური ხრიკების გამოყენებას არ გვირჩევს. მისმა აღმოჩენებმა შეიძლება ინფორმაცია მოგვაწოდონ, როგორ ვმკურნალობთ პოსტტრავმული სტრესული აშლილობის ან დეპრესიის მქონე პაციენტებს. „გვსურს გავიგოთ, როგორ მუშაობს ტვინი და მეხსიერება, ამბობს რამირესი.