სტოუნჰენჯი ახალი თვალით

სტოუნჰენჯის ახალი რაკურსით ფოტოგრაფირება გამოწვევაა: ეს ბრიტანული მონუმენტი ყველა კუთხიდანაა გადაღებული. განსხვავებული პერსპექტივის მისაღებად რუბენ ვუმ გადაწყვიტა შეექმნა ქვის წრის მოძრავი სცენა, სადაც დღე და ღამე თითქოს ერთმანეთს ერწყმის.

„მე მჭირდებოდა სტოუნჰენჯის იმგვარად წარმოჩენა, როგორიც ის არასოდეს უნახავთ“, – განმარტავს ვუ. ეს არქეოლოგიური ძეგლი მან გაანათა დრონზე მიმაგრებული მძლავრი შუქდიოდებით და რამდენიმე კადრი ცვალებადი ექსპოზიციით გადაიღო შტატივზე დამაგრებული კამერით. შემდეგ მან 11 ფოტო ერთ მრავალშრიან გამოსახულებაში გააერთიანა. „ამგვარი განათებით სტოუნჰენჯს ახალი და უცხო ატმოსფერო შევძინე, რაღაც მარადიული და, ამასთან, უძველესი ცოდნისა და ძლევამოსილების გამომხატველი“.

თუმცა, ჩემი პროექტის ყველაზე რთული ნაწილი კადრს მიღმა ვითარდებოდა: ამ არქეოლოგიურ ძეგლთან დრონის საფრენი ნებართვის მიღება, განსაკუთრებით ღამით. „რადგან სტოუნჰენჯი სამხედრო საჰაერო სივრცეშია მოქცეული, სამეფო სამხედრო-საჰაერო ძალებისგან ნებართვის აღება მოგვიხდა, რომლებიც ყოველ ჯერზე უნდა გაგვეფრთხილებინა დრონის აფრენისას“. ვუ აღნიშნავს, რომ დრონის აფრენა ზუსტად ქვების თავზე მათ აკრძალული ჰქონდათ.

„გადაიღო ასეთი ცნობილი ძეგლი ასე არატრადიციულად – ეს დაუვიწყარი გამოცდილება იყო“.

ლივერპულში (ინგლისი) დაბადებული რუბენ ვუ გახლავთ ასევე ვიზუალური არტისტი და მუსიკალური პროდიუსერი. დრონით განათების ტექნოლოგიამ მას კიდევ უფრო მეტი ღამეული ლანდშაფტის გადაღებისკენ უბიძგა.