ცას მიბჯენილი, მარადიული თოვლით დაფარული მწვერვალები: უშბა, თეთნულდი, შხარა; ფართო ღრმა ხეობები, ულამაზესი ბუნება, სადაც წიწვნარსა და ფართოფოთლოვან ტყეებს ალპური მდელოები ენაცვლებიან. ეს სვანეთია. ადგილი, სადაც ადამიანის კვალი ჯერ კიდევ ნეოლითის ეპოქიდან, დაახლოებით 7-8 ათასი წლის წინ ფიქსირდება; მოგვიანებით, ბრინჯაოს ხანიდან იგი ადრეული მეტალურგიის მნიშვნელოვანი კერა ხდება. აღმოჩენილი არტეფაქტები მადნის ინტენსიურ მოპოვებაზე მიუთითებს. მითებისა და ლეგენდების, „ლილეოსა“ და დალის სამშობლო; ტერიტორია, რომელიც საქართველოს მშფოთვარე ისტორიაში კარიბჭის როლს ასრულებდა; სვანური სოფლების სამკაული – ქვის კოშკები, მთელ სვანეთში მიმობნეული X-XII საუკუნეების ეკლესიები, ორიგინალური, მხოლოდ ამ კუთხისათვის დამახასიათებელი კედლის მხატვრობით შემკულნი; უძველესი ქართველური ტომის შთამომავალი დღევანდელი სვანები, ისინი სვანურად საუბრობენ, ენაზე, რომელმაც ყველაზე კარგად შემოინახა არქაული ნიშნები (საგულისხმოა, რომ ქართველური ფუძე-ენისა და მისი მატარებელი ეთნოსის სვანურ და ქართულ-ზანურ ერთობად დაშლის პროცესის დაწყება ძვ.წ.III ათასწლეულის დასასრულისთვის ივარაუდება).

• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა

მინაწერის გახსნა

გააზიარეთ ფოტო

• 
• 
• 
• 

მინაწერის გახსნა

ყველაფერ ამის მნახველს, გვერწმუნეთ, ის მაღალფარდოვანი ფრაზები თუ გამონათქვამები, რომლებიც მანამდე ცოტა არ იყოს, ყურს გჭრიდათ, ზედმეტ პათეტიკად აღარ მოგეჩვენებათ.

სრული ვერსია წაიკითხეთ ოქტომბრის ნომერში.