ტალღის დასაჭერად შექმნილი

ტერი მარტინმა თავისი პირველი სერფინგის დაფა 14 წლის ასაკში გამოჭრა, შემდგომი 60 წლის განმავლობაში კი მას ათიათასობით ახალი დაამატა, რამაც იგი სერფინგის დაფების ოსტატების ელიტაში შეიყვანა, რომელთაც შეიპერები ეწოდებათ. 2012 წელს, მარტინის გარდაცვალების შემდეგ, მისმა შვილმა ჯოშმა გააგრძელა ტრადიცია. დღევანდელი შეიპერები სერფინგის დაფებს თანამედროვე მასალებისგან ამზადებენ, როგორიცაა პოლიურეთანის ქაფი ან ხისგან, როგორიც აქ ნაჩვენები ბალსა და სანაპიროს სეკვოიაა.

ელექტროშალაშინი
შეიპერის მთავარი ხელსაწყო. ამ შალაშინით იქმნება დაფის ვიწრო სილუეტი და „როკერი“ – წირი, რომელიც ცხვირსა და კუდს შუა ნაწილთან შედარებით ოდნავ მაღლა წევს.

კონტურის თარგი
ხის თარგი, რომელიც სპეციალურად დამზადებული სერფინგის დაფის ან ფარფლების დიზაინს ინახავს.

შტანგელი
დაფებისა და მათზე დასამაგრებელი ფარფლების სისქის გასაზომად.

სახეხი
ტერი მარტინს ამ ხელსაწყოთი იმდენი სერფინგის დაფა აქვს გაპრიალებული, რომ ხის სახელურს მისი ნათითურები ეტყობა.

ზედაპირის დასამუშავებელი ხელსაწყო
სახეხისმაგვარი ხელსაწყო ერთ ზომაზე ასწორებს ხეს და პენოპლასტს.

სამუშაო მაგიდა, ფისი
გამოჭრის შემდეგ დაფები წყალგაუმტარი ფისით იფარება.

კეტჩუპის ბოთლი
ჯოშ მარტინი ამბობს, რომ ის იდეალურია ხეზე წებოს დასხმისათვის.

ელექტროზუმფარა
ზუმფარა სწრაფად აბრტყელებს და ხეხავს დიდ ადგილებს.

კონტურების თარგები
ინდივიდუალური დაფის პირის ფორმის დასაფიქსირებლად შესაბამის თარგს ჭრიან და მომდევნო შეკვეთებისთვის იყენებენ.

შეიპერის საზომი
დაფის სიგანისა და ფარფლების დასამაგრებელი ადგილების მოსანიშნად, დაფის ნახევრების სიმეტრიულობის გასაზომად.

ენის დასაჭერები
ეპოქსიდის, წებოებისა და პიგმენტების შესარევად და წასასმელად.

შალაშინი
შალაშინი ხის დაფებს ფორმას აძლევს და თლის სტრინგერს (ხე დაფის ცენტრის გაყოლებაზე).