ტუტანხამონის ლუდი

ძველი ეგვიპტე ლუდის ერთ-ერთი უძველესი კერაა, ლუდი ამ კულტურის ყველა ფენის ყოველდღიურობის განუყოფელი ნაწილი იყო. კემბრიჯის უნივერსიტეტის არქეობოტანიკოსმა, დელვენ სემუელმა, ქ. ამარნასთან ნაპოვნი არქეოლოგიური მასალა ოპტიკური სკანირებისა და ელექტრონული მიკროსკოპით შეისწავლა. აღმოჩნდა, რომ ეგვიპტელები გაღივებულ ქერს და ალაოს, ზოგჯერ კი გაღივებულ ასლს (ერთწლოვანი მცენარე) ხმარობდნენ. მარცვლეულს ადუღებდნენ ერთგვაროვანი მასის მისაღებად. მოხარშულ ალაოს მარცვლებს კი ცხაურში გადაწურავდნენ. რა გემო და სიმაგრე ჰქონდა ლუდის ამ წინაპარს? ჩვენი საუკუნის დასაწყისში, ბრიტანეთში მისი ჩამოსხმა დაიწყეს, მაგრამ „ტუტანხამონის ლუდმა“, ცხადია, ათასობით წლის განმავლობაში დახვეწილ და ჩვენ გემოვნებას მორგებულ თანამედროვე ლუდს კონკურენცია ვერ გაუწია და მალევე გაქრა. განახლებული რეცეპტი კი დაგვრჩა. თუ გსურთ, მოხარშეთ სახლში, მაგრამ სიფრთხილეს თავი არ სტკივა. რა იცით რა ხდება…