ბავშვობაში ამ ფოტოგრაფმა ბუნების სამყარო ახლოდან იხილა და სამუდამოდ მოინუსხა.

კანადის პროვინცია ონტარიოში, ჰურონის ტბის ნაპირას გაზრდილმა რობერტ ბერდანმა მეექვსე კლასში საჩუქრად სათამაშო მიკროსკოპი მიიღო. პირველი, რაც მის ლინზაში იხილა, ტბორიდან შეგროვებულ წყლის წვეთებში არსებული მიკროორგანიზმები იყო.

მერვე კლასის შემდეგ ბერდანმა უფრო დახვეწილი მიკროსკოპი შეიძინა და გაიაზრა, რომ ის სხვა სამყაროსთან დამაკავშირებელი პორტალი იყო. „ახალმა მიკროსკოპმა ჩემი ცხოვრება შეცვალა“, – ამბობს იგი. „ბევრად მეტის დანახვა შემეძლო“. მან ფოტოგრაფიის შესწავლა დაიწყო და ისეთ კამერებს ყიდულობდა, რომელთა დამაგრება მიკროსკოპზე შეიძლებოდა. იღებდა გვიმრების, სოკოების და ხეების ფოტოებს. მიკროსკოპულ ფოტოგრაფიაში იმდენად დაიხვეწა, რომ ციტოლოგიის დოქტორი გახდა და 5 წლის განმავლობაში ხელმძღვანელობდა ლაბორატორიას ალბერტას უნივერსიტეტში, ედმონტონში.

• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა

მინაწერის გახსნა

გააზიარეთ ფოტო

• 
• 
• 
• 
• 
• 
• 
• 

მინაწერის გახსნა

თუმცა ბერდანს არ დავიწყებია თავისი ადრეული გატაცებები, ამიტომ გადაწყვიტა კვლავ ბუნების წიაღს დაბრუნებოდა. მის ობიექტივში ხვდება ყველაფერი, ფიფქებიდან ნაძვებამდე. იმისთვის, რომ ნაძვის ხე მიკროსკოპში გამოჩნდეს, ბერდანი ტოტს სპეციალური ხელსაწყოებით ფურცელივით თხელ ფენებს ათლის. შემდეგ მათ წითლად ან ლურჯად ღებავს. საბოლოო გამოსახულების მისაღებად იგი ხშირად იყენებს ტექნიკას, რომელსაც ფოკუსების შერწყმას უწოდებენ. ეს მოიცავს ერთი კადრის სხვადასხვა ფოკუსური სიბრტყიდან გადაღებას და შემდეგ ფოტოების ერთმანეთთან შერწყმას, უფრო დიდი სიმკვეთრის სიღრმის მისაღებად. „მე ვიძიებ ყველაფერს, რაშიც შესაძლებლობას ვხედავ“, – ამბობს იგი. „ნებისმიერი ხელსაწყო, რომელიც ჩვენს ხედვას აუმჯობესებს, შემოქმედებითად გვავითარებს“.