უცნობ მიწაზე
ავსტრალაზიურ ანტარქტიკულ ექსპედიციას ოცდაათი წლის უკვე გამოცდილი მკვლევარი დუგლას მოუსონი ხელმძღვანელობდა
-
-
-
-
ბმული კოპირებულია
ეს არის ყველა დროის ერთ-ერთი ყველაზე თავზარდამცემი თავგადასავალი, გადარჩენისთვის ბრძოლაზე რომ მოგვითხრობს. 31-კაციან გუნდს ყველაზე ამბიციური გეგმა ჰქონდა: Terra Incognita-ს შესწავლა.
ავსტრალაზიურ ანტარქტიკულ ექსპედიციას ოცდაათი წლის უკვე გამოცდილი მკვლევარი დუგლას მოუსონი ხელმძღვანელობდა. მისი მიზანი იყო შეძლებისდაგვარად ყველაფერი გაეგო უცნობი მიწის შესახებ. ექსპედიციის წევრებმა სანაპიროზე თავიანთ აშენებულ ქოხში გამოიზამთრეს, რომელსაც “თანამეგობრობის უბე” უწოდეს. როგორც მოგვიანებით დადგინდა, ეს ქოხი, მსოფლიოში ყველაზე ქარიან ადგილას მდებარეობდა – ქარის სიჩქარე აქ საათში 320 კმ-ს აღწევს. ასეთი ქარიშხლის დროს ყინულზე გაჩერებაც კი შეუძლებელია. 1912 წლის ნოემბერში 8 სამკაციანი ჯგუფი სხვადასხვა მიმართულებით გაემგზავრა. მოუსონის გუნდმაც აიღო სტარტი, ექსპედიცია დაიწყო.
29 წლის შვეიცარიელი ჩემპიონი – მოთხილამურე ხავიერ მერცი, 25 წლის ინგლისელი მონდომებული ახალგაზრდა ბელგრეივ ნინისი და ექსპედიციის ხელმძღვანელი დუგლას მოუსონი მარხილებით სრულიად უცნობი მიწის სიღრმისკენ მიიწევენ. 14 დეკემბერს, ამ სამეულს თითქმის 480 კმ აქვს გავლილი. უკან ჩამოიტოვეს ორი დიდი მყინვარი და თოვლის თხელი ხიდებით შენიღბული მყინვარის უამრავი ფარული ნაპრალი. ნაშუადღევს მერცი კიდევ ერთ ნაპრალს ამჩნევს და გუნდის წევრებს აფრთხილებს. მოუსონი რბილად გადადის ნაპრალზე და ნინისს გამაფრთხილებელ ნიშანს აძლევს, მაგრამ უშედეგოდ… ნინისის მარხილი პირდაპირ ნაპრალისკენ მიექანება…
სრული ვერსია წაიკითხეთ იანვრის ნომერში.
