სტაფილოს ფოთოლი

გადიდებულია 300-ჯერ

ტემპერატურისა და ოზონის კონცენტრაციის ზრდასთან ერთად სტაფილო კვებით ღირებულებას დაკარგავს. მკვლევრები მას ველურ სახესხვაობებთან აჯვარებენ, რათა გვალვისადმი უფრო გამძლე გახადონ.

ლურჯი მოცვის თესლი

გადიდებულია 300-ჯერ

მოულოდნელი ყინვები და გვალვები მოცვისთვის დიდ საფრთხეს წარმოადგენს. მოცვის მოსავალს ასევე ემუქრება აზიური ხილის ბუზი (Drosophila suzukii), რომელიც ქორფა კენკრას აზიანებს და უპირატესობას თბილ ამინდს ანიჭებს.

სვიის ფოთოლი

გადიდებულია 240-ჯერ

სვია ლუდის აუცილებელი კომპონენტია, თუმცა ვაშინგტონის შტატში მდებარე იაკიმის ხეობაში თოვლის საფარისა და კასკადოვანი მთების მყინვარების შემცირების გამო სვიის ფერმებს წყალი შემოაკლდათ. ლუდის ზოგი მწარმოებელი კულტურის სამხრეთ-დასავლური, ველური სახესხვაობებით ჩანაცვლებას განიხილავს, ზოგმა კი ფლორიდული სვიით ექსპერიმენტირება დაიწყო.

ხუჭუჭა კომბოსტოს სამტვრე

გადიდებულია 240-ჯერ

ამ მცენარეზე მოთ-ხოვნა მკვეთრად გაიზარდა მას შემდეგ, რაც მან სახელი გაითქვა როგორც განსაკუთრებულად სასარგებლო პროდუქტმა, თუმცა დიდი რაოდენობით მისი მოყვანა გარემოსთვის სავალალო შედეგების მომტანია. სულ უფრო მეტი მეურნე მიმართავს მეთოდებს, რომლებიც რეგენერაციულ სოფლის მეურნეობად ითვლება, რათა ეროზიას შეებრძოლონ და ნიადაგში მეტი ნახშირბადი ჩააბრუნონ.

ზეთისხილის კვირტი

გადიდებულია 80-ჯერ

არბეკინას, სელექციით გამოყვანილი ზეთისხილის ხის საყვავილე კვირტებიდან წვნიანი და მსუყე ნაყოფი იზრდება. ამ მრავალწლიან ხეებს ნახშირბადის დაჭერისა და ხანგრძლივი დროით შენახვის უნარი შესწევთ; ერთ წარმოებულ ლიტრ ზეითუნის ზეთზე ისინი 10 კილოგრამ ნახშირორჟანგს შთანთქავენ. ესპანელი ფერმერები აგრეთვე შუალედურ კულტურებს რგავენ, რათა გარშემო ნიადაგს ნახშირორჟანგის შეწოვაში შეუწყონ ხელი.

კანაფის ფოთოლი

გადიდებულია 170-ჯერ

ინდუსტრიული კანაფის თესლი მდიდარია ცილითა და ბოჭკოთი. კანაფით თბოიზოლაცია ნულოვანი ნახშირორჟანგის წარმომქმნელ სამშენებლო მასალად ითვლება, რადგან მცენარის მიერ შთანთქმულ ნახშირორჟანგს ინარჩუნებს. მკვლევრები მუშაობენ კლიმატისთვის უვნებელ მის სხვა შესაძლო გამოყენებაზეც, საწვავიდან ბიოპლასტმასის ჩათვლით.

ლავანდის კვირტი

გადიდებულია 300-ჯერ

ლავანდის კვირტი დაფარულია დამცავი განტოტებული ბუსუსებით, რომლებიც არომატულ ზეთოვან ჯირკვლებს ეჭიდება. მრავალწლიანი მცენარეების კულტურები ხელს უწყობენ მიწის გაჯანსაღებას, დამამტვერიანებლების გამოკვებას და ყოველწლიური მიწის დამუშავების საჭიროების შემცირებას.