ვინ გამოეყო პირველად?

სავარცხლურას მოდგმა, სავარაუდოდ, პირველი გამოეყო ყველა ცხოველის ერთ საერთო წინაპარს. მეცნიერები ამას ღრუბლებს მიაწერდნენ, რაც 600 მილიონი წლის წინ უნდა მომხდარიყო. „ამ საკითხის დადგენა ახსნიდა ნერვული სისტემის განვითარებას“, – ამბობს ლეონიდ ლ. მოროზი (ფლორიდის უნივერსიტეტი). „სავარცხლურებს ნერვული უჯრედები გააჩნიათ, ღრუბლებს – არა. თუ პირველები სავარცხლურები გამოეყვნენ საერთო წინაპარს, მათ, შესაძლოა, ჰქონდეთ დღემდე მოღწეულ სახეობებში უძველესი ნეირონები“, – ამბობს ჰითერ მარლოუ (ევროპული მოლეკულური ბიოლოგიის ლაბორატორია).