წიგნების კონსერვაცია

იშვიათი წიგნების კონსერვატორს უნდა ჰქონდეს მოთმინება, შეეძლოს დეტალების გარჩევა და ჰქონდეს ფასდაუდებელი ეროვნული საგანძურების დაშლის გამბედაობა. როდესაც რომელიმე წიგნი უნდა გამოიფინოს ან ციფრულ ფორმატში უნდა იქნეს გადაყვანილი, ის იასმინ ხანის სამუშაო მაგიდაზე ხვდება, რომელიც ერთ-ერთია კონგრესის ბიბლიოთეკის იშვიათი წიგნების 10 კონსერვატორიდან. იგი წიგნის გვერდებს ხორბლის სახამებლითა და თხელი ქაღალდით ასწორებს, კერავს წიგნის ყდას ან მთლიანად შლის მას.

გამყოფი
ამ ხელსაწყოს ზომების ერთი ზედაპირიდან მეორეზე სწრაფად გადატანა შეუძლია.

გაპრიალებული ლაზურიტი
ქაღალდის გასაპრიალებლად ჩვეულებისამებრ აქატი გამოიყენება; ხანმა ეს ქვა ბაზარში იპოვა, პაკისტანში.

ნემსი და ძაფი
მოღუნული ნემსი და დაუმუშავებელი ირლანდიური სელის ძაფი წიგნის ნაწილებს ამაგრებს (წიგნი თომას ჯეფერსონს ეკუთვნოდა).

ფითხები
ამ თხელი ხელსაწყოებით ძველ წებოს აშორებენ ან ფურცლებს შორის შეაცურებენ მათ ერთმანეთისაგან გასაცალკევებლად. საგრავირებელი ნემსით ნახვრეტები კეთდება.

მართკუთხა სამკუთხედები
უჟანგავი ფოლადისა და სპილენძის სამკუთხედები ტყავის ან ნაჭრის 45 გრადუსზე გასაჭრელად გამოიყენება.

მეწაღის ჩაქუჩი
ხანი ჩაქუჩს ფაქიზად უსვამს ძველი წიგნის ზურგს მისი მომრგვალებული ფორმის აღსადგენად.

ძვლის საკეცები
ბამბუკის საკეცი ფრთხილად ფხეკს წებოს წიგნის ზურგიდან, უჟანგავი ფოლადით ნაჭრის კუთხეები იკეცება და სპილოს ძვალი ქაღალდის ფენებს შორის სრიალებს მათ გასაცალკევებლად.

ჯანჯაფილის საფხვნელი თასი
სპეციალურ ჯამში მოთავსებულ ხორბლის სახამებლის პასტას აბრეშუმის ქაღალდზე უსვამენ ფუნჯით გვერდების გასასწორებლად.

სატკეპნი და წებოს ფუნჯები
ფუნჯები წიგნის ყდასა და გვერდებზე წებოს წასასმელად გამოიყენება.

დანები
ეს დანები ტყავის წვრილად დასაჭრელად გამოიყენება. ხანმა ქვედა ნაწრთობი ფოლადისგან გააკეთა.