ფოტოგრაფი ბილი (დავით) ბილიხოძე ხშირად ირჩევს ერთ თემას და შემდეგ წლების განმავლობაში მუშაობს მასზე. მისი ორიგინალური სერიები, რომლებითაც მან სრულიად სხვა თვალით დაგვანახა მაკროობიექტივით გადაღებული ზამთრის ხმელი ყვავილები თუ წელიწადის სხვადასხვა დროს დრონით აღბეჭდილი საქართველოს გზები, 2019 წელს ჩვენი ჟურნალის ივლისისა და სექტემბრის ნომრებში გამოქვეყნდა.

მინაწერის გახსნა

გააზიარეთ ფოტო

მინაწერის გახსნა

ამჯერად გთავაზობთ სერიას, რომელშიც ყინულისა და ფიფქის გასაოცარი მრავალფეროვნებაა აღბეჭდილი. „წელიწადის ყველა დროს თავისი ხიბლი აქვს, თუმცა ჩემთვის ზამთარი ყველაზე შემოქმედებითი სეზონია. ის თოვლსა და ყინულს იყენებს მასალად და გასაოცარ ფორმებს ძერწავს, – ამბობს ბილი, – მაკროობიექტივში მოხვედრილ ამ სამყაროში მთელი კოსმოსი შეიძლება დაინახო“.

მინაწერის გახსნა

გააზიარეთ ფოტო

მინაწერის გახსნა

ჩემთვის ყველაზე საინტერესო იყო დამეფიქსირებინა ერთმანეთისგან სრულიად  განსხვავებული ფორმები და ფაქტურა, რომლებსაც იღებს ყინული იმის მიხედვით, თუ როგორ ზედაპირზე იყინება: „ყველამ ვიცით, რომ არც ერთი ფიფქი ერთმანეთს არ ჰგავს. ყოველი მათგანი უნიკალურია. ასევეა ყინულის თითოეული ფიგურაც, – ამბობს ბილი, – ზამთარში, როცა მოყინავს ხოლმე, ჩემთვის ყველა კუთხე-კუნჭულში ზღაპრული სამყარო ჩნდება“.