ყინულოვანი საფარის კანიბალიზმი

ტურისტები უმძიმეს სურათს ხედავენ, მეტწილად, ყინულოვანი გრენლანდიის დასავლეთ ნაწილში. ზედაპირი ატმოსფერული მტვრითაა დაფარული. ამასთან, მის ქვეშ ყინულიც სწრაფად დნება. რატომ? 1981-დან 2012 წლამდე ჩატარებული თანამგზავრული დაკვირვებით გამოვლინდა, რომ 1996 წლიდან გრენლანდიამ გაცილებით დიდი რაოდენობის მზის რადიაციის შთანთქმა დაიწყო და ტემპერატურამაც მოიმატა.

დაბინძურებული, მუქი ზედაპირი კი მეტ მზის ენერგიას შთანთქავს, ვიდრე ირეკლავს. ტემპერატურის მატება ყინულს ადნობს და ტალახს წარმოქმნის, რაც უფრო მეტად ამუქებს ზედაპირს. „ამ პროცესს კანიბალურ დნობას ვეძახი“, – ამბობს მკვლევარი მარკო ტედესკო.