თქვენ სარგებლობთ ბრაუზერის ძალიან ძველი ვერსიით, რის გამოც ჩვენი ვებგვერდი შესაძლოა სრულად ვერ ჩამოიტვირთოს.
გირჩევთ, განაახლოთ ბრაუზერი.

გამოწერა
დონაცია
მენიუ
სექტემბერი, 2018

ყველაფერი შვილებისთვის

ობობები საკუთარ შთამომავლობაზე განსაკუთრებით ზრუნავენ

თვალსაჩინო , BEST EDITS
Asianellus festivus-ი მხტუნავი ობობების (Salticidae) ოჯახს მიეკუთვნება, რომლის წარმომადგენლებს ობობებს შორის ყველაზე მახვილი მხედველობა აქვთ. წინა თვალების ორი წყვილი ნადირობის დროს ფოკუსირებასა და მსხვერპლამდე მანძილის შეფასებაში ეხმარება, ხოლო დანარჩენი ორი წყვილი – პოტენციური საფრთხის დროულად დაფიქსირებაში.
Asianellus festivus-ი მხტუნავი ობობების (Salticidae) ოჯახს მიეკუთვნება, რომლის წარმომადგენლებს ობობებს შორის ყველაზე მახვილი მხედველობა აქვთ. წინა თვალების ორი წყვილი ნადირობის დროს ფოკუსირებასა და მსხვერპლამდე მანძილის შეფასებაში ეხმარება, ხოლო დანარჩენი ორი წყვილი – პოტენციური საფრთხის დროულად დაფიქსირებაში.

ყველაფერი შვილებისთვის

ობობები საკუთარ შთამომავლობაზე განსაკუთრებით ზრუნავენ

ტექსტი: არმენ სეროპიანი
ფოტო: არმენ სეროპიანი
  • email icon
  • link icon ბმული კოპირებულია

რუბრიკა: თვალსაჩინო, BEST EDITS

ობობების შთამომავლობაზე ზრუნვის თავგანწირული მეთოდები

მშობლის სიყვარული ან, თუ გნებავთ, ინსტინქტი, ახასიათებს არა მარტო რთულად მოწყობილ ორგანიზმებს, არამედ უამრავ ცოცხალ არსებას. მისი გამოვლენის ამსახველ ფაქტებს ხშირად გადავაწყდებით ერთი შეხედვით სრულიად უემოციო და მარტივ ცხოველებში.

ველურ ბუნებაში, ყველაზე მნიშვნელოვანია საკუთარი კვალის, ანუ შთამომავლობის დატოვება. ამიტომ დედა ობობებმა ამ საჭირბოროტო საკითხის გადასაჭრელად რამდენიმე გზა მონახეს. ყველაზე ცნობილი დედა ობობები ე.წ. მგელი ობობების (Lycosidae) ოჯახის წარმომადგენლები არიან. კვერცხდების შემდეგ მდედრი მგელი ობობა საკვერცხე პარკს მუცლის ქვეშ იმაგრებს და თან დაატარებს პატარების გამოჩეკამდე. ამ პერიოდის განმავლობაში მზრუნველი მშობელი არაფრით იკვებება და თავდადებით იცავს საკვერცხე პარკს მტრებისა და უამინდობისგან, ხოლო ახალგამოჩეკილი შვილები სიცოცხლის პირველ რამდენიმე დღეს მის ზურგზე შეგროვილები ატარებენ. ცოტა ხანში ისინი დამოუკიდებელ ცხოვრებას იწყებენ, ღონეგამოცლილი დედა კი მალევე კვდება.

გააზიარეთ ფოტო
link icon

    შავი ერეზუსი (Eresus kollari) მრავალ ქვეყანაშია დაცული კანონით და საერთაშორისო წითელ ნუსხაშია შეყვანილი. ოდესღაც ფართოდ გავრცელებული სახეობა, უკონტროლო ხოცვის გამო, დღეს გადაშენების საფრთხის წინაშე დგას. მდედრი ობობა (ფოტოზე) მკვეთრად განსხვავდება ამავე სახეობის მამრისაგან.

    ერთი შეხედვით არაფრით გამორჩეული Atypus muralis-ი თავის ხანგრძლივ (8 წელი) სიცოცხლეს მიწისქვეშა ბუდეში ატარებს. ნადირობაში მას ბუნაგის მიწისზედა ნაწილი ეხმარება, რომელსაც წინდის ფორმა აქვს და მარტივად იკრობს უყურადღებო მწერებს. აფხაზეთში მობინადრე ობობა გასულ წელს თბილისშიც აღმოვაჩინე.

    სამეგრელოში ნაპოვნი ხარიტონოვის ტარანტულის (Geolycosa charitonovi) მდედრი თავგანწირვით იცავს ცისფერ საკვერცხე პარკს

    Cheiracanthium punctorium-ი ასევე აქტიურად იცავს საკუთარ შთამომავლობას;

    შავი ერეზუსის მამრს ინგლისურენოვან ქვეყნებში შეფერილობის გამო ჭიამაია ობობას ეძახიან.

    ასევე წაიკითხეთ